Թրամփը պարտավորեցրել է բեռնատարների վարորդներին ԱՄՆ-ում խոսել անգլերեն

Միջազգային 29 Ապրիլ, 2025 11:25

ԱՄՆ նախագահ Դոնալդ Թրամփը ստորագրել է հրամանագիր, որը պահանջում է բեռնատարների վարորդներին վարժ խոսել անգլերեն, հայտնել է CNN-ը։

Փաստաթղթում միջոցը նկարագրվում է որպես «անվտանգության անվիճելի պահանջ պրոֆեսիոնալ վարորդների համար»:

«Իմ վարչակազմը կկիրառի օրենքը՝ պաշտպանելու բեռնատարների ամերիկացի վարորդների, ուղեւորների եւ այլոց անվտանգությունը, այդ թվում՝ կիրառելով անվտանգության կանոնակարգեր, որոնք երաշխավորում են, որ ցանկացած մարդ, որը վարում է առեւտրային մեքենա, պատշաճ պատրաստվածություն ունենա եւ տիրապետի մեր ազգային լեզվին՝ անգլերենին»,- նշվել է հրամանագրում:

Հիշեցնենք, որ անցած ամիս Թրամփը ստորագրել էր առանձին հրամանագիր՝ անգլերենը Միացյալ Նահանգների պաշտոնական լեզու հռչակելու մասին։

Սա առաջին դեպքն է ամերիկյան պատմության մեջ, երբ պետական լեզու հռչակվեց ազգային մակարդակով: Հրամանը նաեւ չեղյալ է համարել նախագահ Բիլ Քլինթոնի ստորագրած մանդատը, որը պարտավորեցնում էր գործակալություններից օգնություն տրամադրել նրանց, ովքեր անգլերեն չեն խոսում: Ընդ որում, գործակալություններին դեռ թույլատրվում է ծառայություններ առաջարկել այլ լեզուներով:

https://iravunk.com/sim/?p=311717&l=am/

Այս թեմայով

Մեդվեդևը խոսել է Ռուսաստանի և ԱՄՆ-ի միջև հարաբերությունների ապագայի մասին

Թրամփը կոչով դիմել է Պուտինին

Իրանական նավահանգստում ողբերգության հետևանքով զոհերի թիվն անցնում է 4 տասնյակը, 1000-ից ավելի վիրավոր կա

Թրամփը Մակրոնին ասել է, որ Ֆրանսիայի նախագահը չպետք է մասնակցի Զելենսկու հետ հանդիպմանը. The Sun

Բժիշկ Մալիշեւան անվանել է մի արտադրանք, որը չպետք է համակցել հացի հետ