Թուրքիայում պահանջել են վերջ տալ ժխտողականությանը

Թուրքիայի Մարդու իրավունքների ասոցիացիա ՀԿ-ի ռասիզմի և խտրականության դեմ հանձնաժողովը, ինչպես ամեն տարի, այս տարի ևս հայտարարություն է տարածել ապրիլի 24-ի առիթով։

Հայոց ցեղասպանության զոհերի հիշատակին նվիրված հայտարարության մեջ նշվում է, որ անպատիժ մնացած հանցագործությունը դառնում է շարունակական, ժխտողականությունը ցեղասպանությունը դարձնում է անվերջանալի, դահիճն արդարացվում է, իսկ զոհը դառնում մեղադրյալ։

Նշվում է, որ կազմակերպությունը 2005 թվականից ի վեր ամեն տարի՝ ապրիլի 24-ին, պահանջում է վերջ տալ ժխտողականությանը, ընդունել մեղքը՝ բոլոր իրավական հետևանքներով։ 

Ասոցիացիան նաև դատապարտել է Թուրքիայում Հայոց ցեղասպանության կազմակերպիչներ Էնվերի, Թալեաթի և Ջեմալի հերոսացումը, որը, ըստ կազմակերպության, հրահրում և բորբոքում է ռասիզմը: Ասոցիացիան նաև վստահություն է հայտնել, որ քանի դեռ Թուրքիան ժխտում է Օսմանյան կայսրության իրականացրած ցեղասպանությունը, երկրում անընդհատ արյունահեղություններ տեղի կունենան: 

Այս թեմայով Անհավանական ցինիզմ և ստորություն․ Մարիա Զախարովան՝ ԵՄ-ի Դիտորդական առաքելության՝ «Ցեղասպանություն» բառով գրառումը հեռացնելու մասին Հայաստանում ԵՄ–ի դիտորդական առաքելությունը սկզբում գրել է «Ցեղասպանություն», հետո ջնջել Այսօր հարգանքի տուրք ենք մատուցում Հայոց ցեղասպանության զոհերի հիշատակին. Հայաստանում ԵՄ առաքելություն Հայաստան-Թուրքիա հարաբերությունների «մեղմացման» գինը Մեծ Բրիտանիայի խորհրդարանի երկու պալատների անդամները կոչ են արել ճանաչել Հայոց ցեղասպանությունը