Հայաստանը կարող է զրկվել ԵԱՏՄ-ի արտոնություններից․ ՌԴ ԱԳՆ

Մոսկվան մտահոգված է ԵՄ-ին միանալու Երևանի ձգտումներով։ Ռուսաստանի արտաքին գործերի փոխնախարար Ալեքսանդր Գրուշկոն լրագրողների հետ զրույցում հայտարարել է, որ Հայաստանը կարող է կորցնել ԵԱՏՄ-ի առավելությունները, եթե Արևմուտքը նրան ներքաշի իր աշխարհաքաղաքական խաղերի մեջ, փոխանցում է ՏԱՍՍ-ը։

«Բնականաբար, Հայաստանի՝ ԵՄ-ին միանալու ձգտումները մտահոգիչ են, քանի որ նման ձգտումները անհամատեղելի են այս երկրի՝ ԵԱՏՄ-ին անդամակցության հետ, և մենք այս մասին խոսում ենք հայ գործընկերների հետ մեր բազմաթիվ շփումներում», – նշել է դիվանագետը։

«Հայտնի է, որ ԵԱՏՄ-ին մասնակցության շնորհիվ Հայաստանը դինամիկ զարգանում է, և տնտեսական աճ է նկատվում Երևանի համար բոլոր կարևոր ոլորտներում։ Եվ սա հսկայական ակտիվ է, որը Հայաստանը կարող է կորցնել, եթե Արևմուտքը նրան ներքաշի իր աշխարհաքաղաքական խաղի մեջ՝ փորձելով պոկել Հայաստանը Ռուսաստանից և այլ բնական դաշնակիցներից», – ընդգծել է փոխնախարարը։

Այս թեմայով Ինչպես կարող է կնոջ ծեծի մեջ կասկածվող տղամարդն այսքան սառնասիրտ լինի Մի քաջալերեք շատախոսությունը. Հայտնի փաստաբանի հայտարարությունը Ուիտկոֆը կարող է Ռուսաստան գալ Լոնդոնում բանակցություններից հետո. The Wall Street Journal Ռուսաստանը և Ուկրաինան կարող են համաձայնության գալ առաջիկա շաբաթ. Թրամփ Իրական ռազմավարությունը, որը կա ՌԴ-ի Զատիկի հրադադարի հետևում, կարող է Թրամփին ռուսամետ դարձնել. CNN