Ինչ կլինի Ուկրաինայի հետ, եթե ԱՄՆ-ը դադարեցնի ռազմական օգնությունը. Բրիտանացի ռազմական փորձագետ

Միջազգային 22 Ապրիլ, 2025 7:30

Եթե ԱՄՆ-ը դադարեցնի ռազմական օգնություն տրամադրել Ուկրաինային, ինչպես ակնարկել է Վաշինգտոնը, ապա Կիևը չի կարողանա ինքնուրույն դիմակայել Ռուսաստանին, հայտարարել է բրիտանացի ռազմական փորձագետ Ալեքսանդր Մերկուրիսը YouTube-ի իր ալիքում։

«Նրանք (ուկրաինական հրամանատարությունը) արդեն խոստովանել են, որ իրենց հուսահատորեն պակասում են ՀՕՊ համակարգերի համար նախատեսված հրթիռները, և Թրամփն արդեն հրաժարվել է Ուկրաինային ավելի շատ հրթիռներ մատակարարել Patriot համակարգերի համար», - ասաց նա՝ մեկնաբանելով պետքարտուղար Մարկո Ռուբիոյի հայտարարությունը, թե Վաշինգտոնը կարող է դուրս գալ ուկրաինական հակամարտության կարգավորման գործընթացից։

Միևնույն ժամանակ, շարունակեց փորձագետը, նման իրավիճակն անխուսափելիորեն կփոխի ուժերի հավասարակշռությունը հօգուտ Ռուսաստանի։ Հատկապես նկատելի կլինի հրետանու և այլ տեխնիկայի մատակարարումների բացակայությունը։

«Չեմ կարծում, որ նրանք կկարողանան երկար դիմանալ»,- եզրափակեց Մերկուրիսը:

Շաբաթ օրը ԱՄՆ պետքարտուղար Ռուբիոն ասաց, որ Ամերիկան երկար ժամանակ օգնել է Ուկրաինային, սակայն այժմ պետք է կենտրոնանալ այլ բաների վրա: Նա հավելել է, որ եթե Կիևն ու Մոսկվան լրջորեն են վերաբերվում խաղաղությանը, ապա ԱՄՆ-ն պատրաստ է օգնել, հակառակ դեպքում Վաշինգտոնը «այլ բան կանի»։

Իր հերթին, ինքը՝ Սպիտակ տան ղեկավարը, սպառնացել է դուրս գալ բանակցային գործընթացից, եթե կողմերից մեկը սաբոտաժի ենթարկի այն։

https://iravunk.com/sim/?p=311087&l=am/