Մալդիվներն արգելել է իսրայելցիների մուտքը երկիր

Մալդիվյան կղզիների իշխանություններն արգելել են իսրայելական անձնագրեր ունեցողների մուտքը երկիր՝ Իսրայելին մեղադրելով Գազայում պատերազմի ժամանակ պաղեստինցիների նկատմամբ ցեղասպանություն իրականացնելու մեջ: «Արմենպրես»-ի փոխանցմամբ՝ այս մասին հաղորդում է CNN հեռուստաալիքը։

Մալդիվյան Հանրապետության նախագահ Մոհամեդ Մուիզզուն վավերացրել է երկրի ներգաղթի մասին օրենքում փոփոխությունն այն բանից հետո, երբ այն ընդունվել է խորհրդարանի կողմից, ասվում է նրա գրասենյակի հայտարարության մեջ։

Փոփոխությամբ նոր դրույթ է մտցվում ներգաղթի մասին օրենքում, որն ուղղակիորեն արգելում է իսրայելական անձնագրեր ունեցող այցելուների մուտքը Մալդիվներ։

«Վավերացումն արտացոլում է կառավարության կոշտ դիրքորոշումն՝ ի պատասխան Պաղեստինի ժողովրդի դեմ Իսրայելի կողմից իրականացվող շարունակական վայրագությունների և շարունակվող ցեղասպանության գործողությունների», - ասվում է հայտարարության մեջ։

Մալդիվների Հանրապետությունը կղզի պետություն է, որը գտնվում է Հնդկական օվկիանոսի մի խումբ ատոլների վրա՝ Հինդուստան թերակղզուց դեպի հարավ։ Երկրի պետական ​​կրոնն իսլամն է։

Այս թեմայով Մենք ջրի սղություն ունեցող երկիր ենք. Էրդողան Փաշինյանը Կիրանցում ծանոթացել է սահմանազատումից հետո ստեղծված ենթակառուցվածքներին Հայաստանը չի կարող հաստատել հարաբերություններ՝ առանց Թուրքիայի նախապայմանն ընդունելու. Խուդավերդյան Գերմանիայի նոր կանցլեր Մերցը մտադիր է սահմանափակել միգրանտների մուտքը Գերմանիա Տեր Հակոբ քահանա Խաչատրյանը Ծաղկազարդի տոնի կապակցությամբ մանուկների օրհնության կարգ է կատարել