Հայաստանի, Ադրբեջանի և Ռուսաստանի եռակողմ համաձայնությունները պահպանում են արդիականությունը. Զախարովա

Ռուսաստանի ԱԳՆ պաշտոնական ներկայացուցիչ Մարիա Զախարովան լրագրողների հետ ամենշաբաթյա ճեպազրույցում անդրադարձել է Հարավային Կովկասում հաղորդակցությունների ապաշրջափակման հարցին:

Զախարովայի խոսքով՝ Հայաստանի, Ադրբեջանի և Ռուսաստանի միջև ամենաբարձր մակարդակով ձեռք բերված եռակողմ համաձայնությունները պահպանում են արդիականությունը:

Նա շեշտել է՝ Մոսկվան միշտ ուրախ է աջակցել Երևանին և Բաքվին՝ առաջ մղելու հարաբերությունների կարգավորման գործընթացը։

«Լիարժեք գործակցության հնարավորինս շուտ վերսկսումը, իհարկե, կնպաստեր Հարավային Կովկասում կայուն խաղաղությանը և բարգավաճմանը։ Պատրաստ ենք աջակցել մեր գործընկերներին հաշտեցման հարցում։ Ռուսաստանի, Ադրբեջանի և Հայաստանի փոխվարչապետների համանախագահությամբ եռակողմ աշխատանքային խմբի շրջանակում տրանսպորտային և տնտեսական հաղորդակցությունների ապաշրջափակման հիանալի գաղափարներ են մշակվել։ Պատրաստ ենք ներկայացնել սահմանազատման և սահմանագծման ոլորտում մեր փորձը, քարտեզագրական եզակի նյութերը, օգնել հումանիտար հարցերում»,- նշել է ՌԴ ԱԳՆ խոսնակը։

Այս թեմայով Էդ ի՞նչ hարձակnւմ էր վրես, Միութենական միությունների մեջ ընդգրկվելը չի նշանակում Հայաստանի անկախությունը ոտնահարել. Վարդան Ղուկասյան Ադրբեջանի ՊՆ-ն շարունակում է ապատեղեկատվություն տարածել Ադրբեջանի պետական «AZ TV» հեռուստաընկերությունը ֆիլմաշարք է սկսել, որտեղ ՀՀ տարածքը հերթական անգամ ներկայացվում է որպես «Արևմտյան Ադրբեջան». ադրբեջանագետ Հայաստանը կողմ է քվեարկել ՄԱԿ-ի Գլխավոր ասամբլեայի՝ «Ռուսաստանի ագրեսիան» դատապարտող բանաձևին «Ադրբեջանի արևմտյան շրջանների և Նախիջևանի միջև կապը պիտի անարգել լինի»․ Բայրամով