Այսօր ՀՀ-ում 597,500 դրամ աշխատավարձ ստացող ուսուցիչ կա և 582,000 դրամ ստացող՝ շարքային զինվորական. Փաշինյան

37 մլրդ դրամ է տրամադրվել տարբեր ծրագրերով ուսուցիչների վարձատրությունն ավելացնելուն: Ուսուցիչների աշխատավարձը համատարած բարձրացվել է: 2018 թվականից ի վեր ուսուցիչների վարձատրության հիմնադրամն աճել է 37 մլրդ դրամով: Այդ մասին Ազգային ժողովի՝ ապրիլի 15-ի նիստին ասաց վարչապետ Նիկոլ Փաշինյանը՝ ՀՀ կառավարության 2021-2026 թվականների՝ 2024 թվականի կատարման ընթացքի և արդյունքների մասին զեկույցը ներկայացնելիս:

«Այսօր ՀՀ-ում 597 հազար 500 դրամ աշխատավարձ ստացող ուսուցիչ կա»,- հայտարարեց Փաշինյանը:

Հավելյալ 74,3 մլրդ դրամ տրամադրվել է գիտության ֆինանսավորմանը, իրականացվել է գիտաշխատողների աշխատավարձի բարձրացում 105-300 տոկոսով: 2018-2024 թվականներին նախորդող 7 տարիների համեմատությամբ, ըստ Փաշինյանի, գիտության ֆինանսավորումը ՀՀ-ում ավելի քան կրկնապատկվել է:

Փաշինյանը խոսեց նաև բանակի ծառայողների աշխատավարձի բարձրացման մասին, որի շրջանակում հավելյալ տրամադրվել է 31 մլրդ դրամ: «Այսօր Հայաստանում 582 հազար դրամ աշխատավարձ ստացող շարքային զինվորական կա»,- նշեց նա:

Այս թեմայով Աննա-նիկոլական արշավանքները Հայաստանում Փաշինյանի հիստերիկ ելույթը պահի ազդեցության պոռթկում չէր. ԲԱՄԲԱՍԱՆՔ Ինչու Նարեկ Նալբանդյանը չի վճարում «Օազիս» սուպերմարկետների ցանցի 60 մլն դրամ պարտքը. «Հետք» Մոռացե՛ք Հայաստան–Ադրբեջան պատերազմի մասին․ Փաշինյանն ԱԺ ամբիոնից դիմեց Բաքվին (տեսանյութ) Այսօր Թբիլիսիում կհանդիպեն Հայաստանի, Վրաստանի և Ադրբեջանի ԱԳ նախարարների տեղակալները