Ամերիկյան հատուկ ծառայությունները գաղտնազերծել են փաստաթղթեր. Հիտլերը կարող էր թաքնվել Հարավային Ամերիկայում (ֆոտոներ)

ԱՄՆ Կենտրոնական հետախուզական վարչության փաստաթղթերը ցույց են տալիս, որ գործակալները 10 տարի շարունակ փնտրում էին Ադոլֆ Հիտլերին Հարավային Ամերիկայում այն ​​բանից հետո, երբ ողջ աշխարհը կարծում էր, որ նա մահացել է, գրել է The New York Post-ը։

Երբ 1945թ. ապրիլի 30-ն խորհրդային զորքերը մտան Բեռլին, Հիտլերը եւ նրա երկարամյա ընկերուհի Եվա Բրաունը, որի հետ նա հետագայում ամուսնացավ, ինքնասպան եղան ստորգետնյա բունկերում՝ գերությունից խուսափելու համար:

Նրանց մարմինները մասամբ այրվել էին եւ թաղվել ռումբի պայթյունից առաջացած ոչ խոր փոսում: Խորհրդային զինվորները հետագայում կատարել են նրանց մնացորդների արտաշիրիմում, որոնք ԽՍՀՄ-ը նույնականացրել է ըստ ատամնաբուժական փաստաթղթերի, եւ դրանք պահել է Արեւելյան Գերմանիայում, մինչեւ որ 1970-ի ապրիլին ՊԱԿ գործակալները ոչնչացրին Հիտլերի մարմինը՝ պահպանելով միայն ծնոտն ու գանգը, որոնք տեղափոխվեցին Մոսկվա:

Թեեւ ԿՀՎ-ն ունի Հիտլերի մահը հաստատող դիահերձման հաշվետվությունը, այլ փաստաթղթեր ցույց են տալիս, որ դաշտային գործակալները կասկածում էին, որ Հիտլերը կարող էր փախած լինել Հարավային Ամերիկա ենթադրյալ անունով եւ ձեռք են բերել մի մարդու լուսանկար, որն ապշեցուցիչ նման է նացիստական ​​առաջնորդին:

1945թ. հոկտեմբերի գաղտնազերծված փաստաթղթերը ցույց են տալիս, որ ԱՄՆ պատերազմի դեպարտամենտի գործակալները ՀԴԲ-ն հայտնել են Արգենտինայի Լա Ֆալդայի հյուրանոցում հնարավոր գաղտնի թաքստոցի մասին, որը Հիտլերը կարող էր օգտագործել, եթե ողջ մնար:

Փաստաթղթում նշված է, որ հյուրանոցի սեփականատերը եւ նրա ընտանիքը եղել են «Հիտլերի ջերմեռանդ կողմնակիցները» եւ ֆինանսական ներդրումներ են կատարել նացիստական ​​կուսակցության համար 1920-ականների սկզբին` Գերմանիայի քարոզչության նախարար Յոզեֆ Գեբելսի միջոցով:

Հաշվետվությունում նշված է, որ հյուրանոցն արդեն «անհրաժեշտ պատրաստություններ էր արել», որպեսզի Հիտլերը ապաստան գտնի Արգենտինայի իրենց հյուրանոցում, եթե նա «ցանկացած պահի հայտնվի դժվարության մեջ» եւ «ապահով ապաստանի» կարիք ունենա:

1955թ. հոկտեմբերին ԿՀՎ գործակալի մեկ այլ փաստաթղթում ասվում է, որ նա տեղեկություն է ստացել ընկերոջից, որը խոսել է մի մարդու հետ, որը պնդում էր, թե ինքը նախկին էսէս- զինվոր Ֆիլիպ Սիտրոենն է, որը «վստահն» ասել է իրեն, որ Հիտլերը դեռ ողջ է եւ Կոլումբիայում է:

Սիտրոենը պնդել է, որ ամեն ամիս շփվել է նացիստների նախկին առաջնորդի հետ եւ ընկերոջը տրամադրել է իր լուսանկարը մի մարդու հետ, որին նա նույնացրել է Հիտլերի հետ Կոլումբիայի Թունհա քաղաքի լողափին:

Մարդը, որին ենթադրաբար համարում էին Հիտլեր, կրում էր «Ադոլֆ Շրիտելմայոր» անունը: 1955թ. հունվարին նա Կոլումբիայից մեկնել է Արգենտինա։

«Ֆիլիպ Սիտրոենը նշել է, որ Երկրորդ համաշխարհային պատերազմի ավարտից տասը տարի անց դաշնակիցներն այլեւս չէին կարող Հիտլերին հետապնդել որպես ռազմական հանցագործ»,-նշված է փաստաթղթում։

1955թ. նոյեմբերի 4-ին ԿՀՎ-ն հաստատել է գործակալների շփումը մի մարդու հետ, որը հայտնի է որպես «GIRELLA», որպեսզի հետագայում հետաքննեն «Ադոլֆ Շրիտելմայորի» պատմությունը Կոլումբիայում մինչեւ 1955թ.: 

Սակայն նույն փաստաթղթում ասվում է, որ «կարելի է մեծ ջանքեր գործադրել այս հարցում, բայց դժվար թե կոնկրետ որեւէ բան հաստատվի, ուստի մենք առաջարկում ենք գործը կարճել»։

Թեեւ չկա կոնկրետ ապացույց, որը կհաստատի այն տեսությունը, որ Հիտլերը կարող էր փրկվել պատերազմից եւ փախչել Գերմանիայից, նացիստական ​​կուսակցության անդամները «առնետի  արահետներ» են օգտագործել Արգենտինա եւ Հարավային Ամերիկայի այլ երկրներ հասնելու համար՝ հետապնդումից խուսափելու նպատակով:

Ըստ գնահատականների՝ մոտ 10 հազար նացիստներ եւ ֆաշիստական այլ ռազմական հանցագործներ խուսափել են դատական հետապնդումներից Հոլոքոսթի հարցում ունեցած իրենց դերի համար՝ փախչելով Արգենտինա եւ Լատինական Ամերիկայի այլ երկրներ։

Այս թեմայով ԱՄՆ պետքարտուղարը ՆԱՏՕ-ի գլխավոր քարտուղարին հայտնել է, որ ԱՄՆ-ը կարող է հրաժարվել ուկրաինական հարցով միջնորդությունից Արևմուտքը դժգոհ է ԱՄՆ հատուկ բանագնաց Ուիթքոֆի ռուսամետ դիրքորոշումից․ Le Monde Հզոր բանակի օգնությամբ կարող ենք պնդել մեր դիրքորոշումը և նպաստել տարածաշրջանում խաղաղությանը. Իրանի նախագահը՝ զորահանդեսին ԱՄՆ-ը կարող է «կառավարել ժամանակն ու տարածությունը»․ Սպիտակ Տուն Բաշար Ասադը Ռուսաստան փախչելիս Սիրիայից տարել է գաղտնի փաստաթղթեր. Reuters