ԵԽԽՎ նախագահը Ալիևին բռնապետ է անվանել և մերկացրել նրա սուտը

«Եվրախորհրդի վերաբերյալ Ադրբեջանի նախագահ Իլհամ Ալիևի հայտարարությունները հաստատում են Վեհաժողովում ադրբեջանական պատվիրակությանը լիազորություններից զրկելու արդարացիությունը»,- հայտարարել է Եվրոպայի խորհրդի խորհրդարանական վեհաժողովի (ԵԽԽՎ) նախագահ Թեոդորոս Ռուսոպուլոսը՝ պատասխանելով Alpha News-ի հարցին։

Խոսելով Մարդու իրավունքների եվրոպական դատարանի որոշումները կատարելուց Ալիևի վերջնագրի տոնով մերժման մասին՝ Ռուսոպոլոսը նշել է. «Ոչ ոք չի կարող շանտաժի ենթարկել ԵԽ-ին։ Եվրոպայի խորհուրդը չի վախենում այդպիսի հայտարարություններից, քանի որ Եվրոպայի Խորհուրդը  իր Վեհաժողովում ընդունել և ընդունում է որոշումներ, որոնք համապատասխանում են իրավունքի գերակայությանը, մարդու իրավունքներին և ժողովրդավարական ընթացակարգերին։ Հունվարյան նստաշրջանից հետո ես դիմեցի նախարարներին, Նախարարների կոմիտեին, ես հատկապես հիշատակեցի Վրաստանը՝ ասելով, որ սա ակումբ չէ, որտեղ ընդունելի է ընտրովի մոտեցումը, քանի որ վաղը, և դա հենց այն է, ինչ ես ասել եմ դեսպաններին, կարող ենք ունենալ որոշ պետություններ, որոնք կհրաժարվեն Մարդու իրավունքների դատարանից։

Երեք ամիս էլ չէր անցել, որ Ալիևը հաստատեց իմ մտավախությունները։ «Վախ» բառը փակագծերում դրեք, քանի որ մենք ոչնչից չենք վախենում, չենք վախենում Ալիևից կամ որևէ մեկից, որն իրեն բռնապետի պես է պահում։ Այնպես որ, հիմա սա մի հարց է, որը ես հույս ունեմ, որ Նախարարների կոմիտեն պետք է որոշի: Վեհաժողովի դիրքորոշումը շատ հստակ է՝ մենք որոշել ենք, որ մեր անդամ երկրներից ոչ մեկը չի կարող ասել՝ ես չեմ հարգում կանոնները, ես կհրաժարվեմ այդ մարմնից, այդ ինստիտուցիոնալ մարմնից կամ այլ ինստիտուցիոնալ մարմնից»։

Այս թեմայով Հզոր բանակի օգնությամբ կարող ենք պնդել մեր դիրքորոշումը և նպաստել տարածաշրջանում խաղաղությանը. Իրանի նախագահը՝ զորահանդեսին ՀԿԿ գլխավոր քարտուղարը «կռիվ է տվել». նորանշանակ նախագահը ազատվում է սկանդալի կենտրոնում հայտնված պաշտոնյաներից. «Ժողովուրդ» Վրաստանի նախագահը պաշտոնական այցով կժամանի Հայաստան Սլովակիայի պաշտպանության նախարարը Հայաստանին օկուպանտ է անվանել (տեսանյութ) Ադրբեջանը նեղացել է ԵԽԽՎ-ի ղեկավարից և նրան «սև ցուցակ» մտցրել