ԵՄ փորձագետները ժամանել են Հայաստան՝ գնահատելու վիզաների ազատականացման ուղղությամբ առաջընթացը

Այսօր ԵՄ փորձագիտական առաքելությունը ժամանել է Հայաստան, որի նպատակն է գնահատել վիզաների ազատականացման ուղղությամբ Հայաստանի առաջընթացը։ Այս մասին ասուլիսի ժամանակ հայտարարել է ՀՀ ՆԳՆ միագրացիայի և քաղաքացիության ծառայության պետ Նելլի Դավթյանը։

Նշենք, որ սա ԵՄ փորձագիտական առաքելության երկրորդ այցն է, առաջինը տեղի էր ունեցել փետրվարի 10-14-ը:

«Սրա արդյունքում արդեն ձևավորվելու են երկու զեկույցներ, որոնք այն միակ փաստաթղթերն են, որոնք մենք մեկնաբանելու հնարավորություն ենք ունենալու, շտկումներ կամ առաջարկներ կկարողանանք ներկայացնել: Դրանց հիման վրա մինչև հունիս արդեն կձևավորվի, կմշակվի գործողությունների ծրագիրը, որը այլևս բանակցելի փաստաթուղթ չի լինելու։

Երբ կունենան գործողությունների ծրագիրը, ինչքան էլ որ մենք շատ լավ պատկերացնում ենք այլ պետությունների փորձով, թե ինչ է այնտեղ գրված լինելու, չորս հիմնաքարային ուղղություններով մեզ պահանջներ են ներկայացվելու, բայց արդեն, ըստ սահմանված թիրախների, կկարողանանք ավելի կոնկրետ որոշակի կանխատեսումներ անել, թե ինչ ժամանակահատված է պահանջվում, որպես որ մենք հասնենք արդեն այդ կետին։ Ամենաբարդ ենթակառուցվածքներից մեկը, որը նորություն էր մեզ համար, կենսաչափական համակարգի ներդրումն էր:

Հունիսին մեզ կներկայացվի գործողությունների ծրագիրը, որից հետո տարեկան զեկույց է ներկայացնելու Հայաստանի Հանրապետությունը, թե ուր է հասել։

Ըստ էության այդ ծրագիրը վերջնաժամկետ չունի, այնպես չի, որ մեր առջև խնդիր է դրվելու, օրինակ, մինչև 2027 թվի երկրորդ կիսամյակ ապահովել այս-այս-այսթիրախները: Երբ կապահովենք, այդ ժամանակ էլ կունենանք ազատ վիզային ռեժիմ»,-ասաց նա։

Դավթյանը նաև կարծիք է հայտնել, որ Հայաստանի և ԵՄ-ի միջև վիզային ռեժիմի ազատականացումը կարող է 4-5 տարի տևել

Այս թեմայով Թող Աստված ների ձեզ, պարոն Սուքիասյան, մենք ի՞նչ. ԶԱՐՄԱՆՔ Ամենեւին էլ չենք քննարկում ԵԱՏՄ-ից դուրս գալու հարցը. Շիրակ Թորոսյան Եվրոպայում արձագանքել են ԵՄ-ին ՀՀ անդամակցության գործընթացի մեկնարկի մասին օրինագծի ընդունմանը Վիզայի խաթեր վաճառենք մեր երեխեքի հայրենի՞քը, այդ վիզա՛ն էլ չեն տալու. Արտակ Զաքարյան Եվրամիությունը խոստովանել է, որ «հետ է մնում աշխարհի մյուս խոշոր տնտեսություններից»