Թեհրանը պատրաստ է ԱՄՆ-ի հետ բանակցել հավասար պայմաններով, այլ ոչ թե սպառնшլիքների ներքո․ Փեզեշքիան

Թեհրանը պատրաստ է ԱՄՆ-ի հետ բանակցել հավասար պայմաններով, այլ ոչ թե սպառնալիքների ներքո։ Այս մասին հայտարարել է Իրանի նախագահ Մասուդ Փեզեշքիանը՝ մեկնաբանելով Թեհրանի հաղորդումներից մեկում ԱՄՆ նախագահ Դոնալդ Թրամփի հարձակման սպառնալիքները։

Ավելի վաղ՝ մարտի 7-ին, ԱՄՆ նախագահ Դոնալդ Թրամփը Fox Business-ին տված հարցազրույցում ասել էր, որ նամակ է ուղարկել Իրանի հոգևոր առաջնորդ այաթոլլա Ալի Խամենեիին՝ միջուկային ծրագիրը քննարկելու առաջարկով։

Թրամփը նշել է, որ կնախընտրեր Իրանի հետ միջուկային ծրագրի շուրջ գործարք կնքել։

«Եթե Իրանը չբանակցի, դա շատ վատ կլինի նրա համար: Իրանը չպետք է միջուկային զենք ստանա: Կան այլ տարբերակներ»,- ասել է նա:

Իր հերթին Իրանի հոգևոր առաջնորդն ասել է, որ ԱՄՆ-ն չի ցանկանում լուծել խնդիրները, այլ ձգտում է պարտադրել իր պահանջները և գերակայություն հաստատել, մինչդեռ Թեհրանը չի համաձայնի սրա հետ։

Մարտի 30-ին Թրամփը սպառնաց Իրանին «ռմբակոծություններով, որոնք երբեք չեն տեսել»:

«Եթե նրանք գործարքի չգնան, ռմբակոծությունը կսկսվի: Սա կլինի այնպիսի ռմբակոծություն, ինչպիսին նրանք նախկինում չեն տեսել», - ասաց նա:

Ի պատասխան Իրանի հոգևոր առաջնորդն ասել է, որ Թեհրանը ամենավճռական կերպով կպատասխանի ցանկացած հարձակման։

Այս թեմայով Վարդան Ղուկասյանը կպատմի, թե ինչպես է զավթել Գյումրիի կենտրոնական այգին, ժամանակին «բարեկարգում» շղարշի ներքո Պատրաստում ենք տոնական սեղանը զարդարող փլավ Իրանը պատրաստ է ԱՄՆ-ի հետ երկխոսության, բայց ոչ սպառնալիքների տակ. Պեզեշկիան Վարդան Ղուկասյանը հայտարարությամբ է հանդես եկել «Ժողովուրդ». Իշխանությունն իրավիճակին չի տիրապետում. հանուն նրանց չընտրվելու մարդիկ պատրաստ են Ղուկասյանին հետ բերել