Հաստատ կխոսեմ, չեմ լռելու. Մարտուն Գրիգորյանը խոսել է

Hraparak.am-ը գրում է.


Գյումրիում տեղի ունեցած ընտրություններից անցել է 3 օր, սակայն քաղաքապետի ընդդիմադիր թեկնածու Մարտուն Գրիգորյանը դեռ չի հայտնել իր դիրքորոշումը՝ տալի՞ս է ձայները Վարդան Ղուկասյանին, թե ոչ։ Երկու օր առաջ Մարտուն Գիրգորյանը մեկ տողանոց ֆեյսբուքյան գրառմամբ վերահաստատեց ավելի վաղ արած հայտարարությունը․ «Սիրելի գյումրեցիներ, վերահաստատում եմ ասածս` ՔՊ-ն Գյումրիում քաղաքապետ չի ունենալու` դա հաստատ է»։ Այս պահին գնդակը բացառապես Մարտուն Գրիգորյանի դաշտում է՝ նա պետք է ասի, թե իր ցուցակով ավագանի անցած անձինք ինչպես են քվեարկելու, կոալիցիա կազմո՞ւմ է Վարդան Ղուկասյանի հետ՝ ընդդեմ ՔՊ-ի, թե ոչ։

«Հրապարակ»-ի լրագրողն այսօր կարճ զրույց է ունեցել Մ. Գրիգորյանի հետ՝ իր դիրքորոշումը հասկանալու համար։

 -Պարոն Գրիգորյան, ու՞ր եք, մի բան ասեք, ՔՊ-ն հաստա՞տ չի ունենա Գյումրիում քաղաքապետ։ 

-Պնդում եմ, Լիա ջան, այսքանը, առայժմ։ 

-Իսկ ե՞րբ կխոսեք, մինչեւ ավագանու նիստը կխոսե՞ք։ 

-Այո։ Ձեզ բացառություն արեցի։ 

-Լուր կա, որ որոշել եք ավագանու նիստում արտահայտվել, իսկ մինչ այդ՝ լռելու եք։ Ավագանու նիստի օ՞րն եք որոշել խոսել։ 

-Հաստատ կխոսեմ, չեմ լռելու։ 

-Մեր ակնկալիքները արդարացնելու եք չէ՞։ 

Խոսակցությունն ընթանում էր գրավոր, վերջին հարցը Մարտուն Գրիգորյանը չի կարդացել եւ չի պատասխանել։ 

Հիշեցնենք, որ ապրիլի 14-ին տեղի կունենա Գյումրու նորընտիր ավագանու առաջին նիստը։ Ավագանի անցած ընդդիմադիր թեկնածուներից երկուսն արդեն հայտնել են, որ միանում են Վարդան Ղուկասյանին։ Եթե Մարտուն Գրիգորյանը եւս միանա, ապա միացյալ ընդդիմությունը կհաղթի հանրապետության երկրորդ քաղաքում եւ այստեղ իշխանություն կձեւավորի, իսկ եթե չմիանա՝ ՔՊ-ական Սարիկ Մինասյանը կրկին կդառնա քաղաքապետ կամ` Գյումրիում նոր արտահերթ ընտրություններ կկազմակերպվեն։ 
 

Այս թեմայով Վարդան Ղուկասյանին կտանք անհրաժեշտ քանակությամբ քվե՝ առանց որևէ պաշտոնի, ակնկալիքի և որևէ պայմանավորվածության. Մարտուն Գրիգորյան Մարտուն Գրիգորյանը որոշեց, նա հայտարարությամբ է հանդես եկել Վարդանիկին միացավ Թեւանյանի թեկնածուն. Գյումրիում կրքերը եռում են Մարդ գիտե՞ս, որ փողը տանք, հաստատ կընտրի. քրգործեր են հարուցվում Գյումրիում ընտրակաշառք տալու մասով ՄՈՍԿՎԱՆ ԹՐԱՄՓԻ ՀԵՏ ԲԱՆԱԿՑՈՒԹՅՈՒՆՆԵՐՈՒՄ ՀԱՍՏԱՏ ԴԻՐՔԵՐԸ ՉԻ ԶԻՋԻ