Պուտինը կարող է միջուկային զենք կիրառել․ ԱՄՆ հետախուզություն

Ռուսաստանի նախագահ Վլադիմիր Պուտինը չի հրաժարվել Ուկրաինայի դեմ պատերազմում միջուկային զենք օգտագործելու գաղափարից, ասվում է ԱՄՆ հետախուզության զեկույցում: Փաստաթուղթը ներկայացվել է մարտի 25-ին Սենատի պրոֆիլային կոմիտեում, հաղորդում է Bloomberg-ը:

«Մարտի դաշտում արագ և վճռական հաղթանակների հասնելու Կրեմլի անկարողությունը, զուգորդված Ռուսաստանի տարածքում ուկրաինական հարվածների հետ, շարունակում է մտավախություն առաջացնել, որ Պուտինը կարող է միջուկային զենք կիրառել», - ասվում է տեքստում:

Հետախուզությունը նշում է, որ այս պահին ոչ Ռուսաստանը, ոչ Ուկրաինան չեն շտապում ավարտել պատերազմը, քանի որ կարծում են, որ դրա ձգձգումը ավելի քիչ ռիսկեր կարող է ունենալ, քան «անբավարար կարգավորումը»:

Պուտինին «թույլ են տալիս որոշակի ռազմավարական համբերություն ցուցաբերել մարտի դաշտում՝ դրական միտումներով", իսկ Ուկրաինայի նախագահ Վլադիմիր Զելենսկու համար տարածքների զիջումը կամ չեզոքության համաձայնությունը՝ առանց Արևմուտքի կողմից անվտանգության էական երաշխիքների, հղի է երկրի ներսում արձագանքներով և ապագայում խաղաղության խախտմամբ։

«Այնուամենայնիվ, երկու նախագահներն էլ հասկանում են ձգձգվող պատերազմի ռիսկերը», - կարծում է ամերիկյան հետախուզությունը։

«Պուտինի համար սա կարող է վերածվել ռուսական տնտեսության անկման և Արևմուտքի հետ հարաբերություններում անցանկալի էսկալացիայի, մինչդեռ Զելենսկին կախված է օտարերկրյա ռազմական օգնությունից, որի ապագան անորոշ է», - ասվում է զեկույցում։ 

Այս թեմայով Ռուսաստանին երիտասարդ և հեռանկարային մարդիկ են պետք. Պուտին Պուտինն Ուիտկոֆին ընդունել է Սանկտ Պետերբուրգում. Մեկ տեսանյութ, ու ամեն ինչ պարզ է (Տեսանյութ) Ռուսաստանը Արևմուտքին նախազգուշացրել է Կայացել է Պուտին-Էրդողան հեռախոսազրույց Կայացել է Պուտին-Էրդողան հեռախոսազրույց. վերջինս առաջարկել է Ուկրաինայի հարցով բանակցություններ կազմակերպել