Բրիտանիան Ռուսաստանին սպառնում է միջուկային զենքով

Բրիտանական միջուկային սուզանավերը, որոնք զինված են Trident բալիստիկ հրթիռներով, ի վիճակի են ոչնչացնել ռուսական 40 քաղաքներ, The Telegraph-ին ասել է թագավորական նավատորմի պաշտոնաթող կոնտրադմիրալ Քրիս Փերրին:

«Մեկ «Trident սուզանավն ի վիճակի է շատ արագ այրել ռուսական 40 քաղաքներ։ Սա պետք է վախեցնի ցանկացած համաշխարհային առաջնորդի»,- ասել է նա։

Փերրին կարծիք է հայտնել, որ Ռուսաստանը՝ որպես աշխարհի ամենամեծ երկիր, չի կարողանա պաշտպանվել բալիստիկ հրթիռային հարձակումից։

Միևնույն ժամանակ, նշում է The Telegraph-ը, բրիտանական միջուկային նավատորմը լուրջ մտահոգություններ է առաջացնում. Trident սուզանավերն ավելի քան քառորդ դարի վաղեմություն ունեն, և վերջին երկու փորձարկումները ձախողվել են (մեկ դեպքում բրիտանական հրթիռը քիչ էր մնացել, որ խոսեր սեփական պաշտպանության նախարարին), ինչը ոմանց մոտ կասկածի տակ է դրել արդյունավետ միջուկային զսպում ապահովելու Լոնդոնի կարողությունը:

«Trident սուզանավերը հին են, և դա ակնհայտ խնդիր է։ Երբ սուզանավում ինչ-որ բան սխալ է լինում, դա կարող է հանգեցնել աղետի», - զգուշացրել է աղբյուրը հրապարակմանը:

Իրավիճակն ավելի է բարդանում նրանով, որ բրիտանական համալիրի համար նախատեսված միջուկային հրթիռներն արտադրվում են ԱՄՆ-ում, իսկ վերանորոգման ժամանակ մեծանում է ԱՄՆ-ից տեխնիկական աջակցության կարիքը։ Այսպես, գրում է թերթը, անհայտ է, թե ապագայում ինչ ճակատագիր է սպասվում բրիտանական միջուկային նավատորմին՝ հաշվի առնելով ՆԱՏՕ-ի իր դաշնակիցների նկատմամբ ԱՄՆ քաղաքական կուրսի փոփոխությունը։

«Թեև նախկինում ԱՄՆ-ի վրա նման հույսը խնդիր չէր, վերջին զարգացումները, որոնցում Թրամփը ենթադրում էր, որ ՆԱՏՕ-ն այլևս չի կարող ապավինել ԱՄՆ-ի աջակցությանը, կարող են խնդիրներ ստեղծել ապագայում», - ասվում է հոդվածում:

Ինչպես երեկ հաղորդել է Daily Express տաբլոիդը, Բրիտանիան ցանկանում է իրավունք ունենալ ինքնուրույն օգտագործել միջուկային զենք՝ Ռուսաստանին զսպելու համար՝ Սպիտակ տան դոկտրինում քաղաքական տեղաշարժերի վերաբերյալ աճող մտահոգությունների ֆոնին:

Թեեւ The Telegraph-ը շրջանցել է, բայց կան նաեւ այլ նյուանսներ: Նախ, բրիտանական չափազանց հնացած բալեստիկ հրթիռները, եթե անգամ կիրառման տեխնիկական խնդիրներ չունենան, մեկ է, չափազանց հեշտ թիրախ են դարձել ռուսական հիպերձայնային ՀՕՊ համակարգի համար: Երկրորդը. անգամ բրիտանական մասնագետներն են հաշվարկել, որ մեկ Սարմատը բավական է ողջ Բրիտանիան մոխրացնելու համար: Կամ երկու «Պոսեյդոն» ստորջրյա միջուկային տորպեդն ի զորու են ողջ Բրիտանիան ծածկել օվկիանոսի ռադիոակտիվ ջրով: Իսկ դրանից հետո շատ ու շատ հարյուրամյակներ բրիտանական կղզիները պարզապես վերածվելու են անմարդաբնակ գոտու: Այսինքն, Փերրին ճիշտ է, ամգամ մեկ միջուկային ռումբից Մոսկվան կցանկանա խուսափել, թեեւ դա հաստատ մահացու չի լինի Ռուսաստանի հմար: Սակայն Բրիտանիան շատ ավելի մտածելու բան ունի` կարող է կորցնել ամեն ինչ:

Այս թեմայով Չինաստանը հաջողությամբ փորձարկել է ոչ միջուկային ջրածնային ռումբ. South China Morning Post Իրանը միջուկային զենքի մասին Թրամփի հայտարարության պահին լրագրողն ուշագնաց է եղել (Տեսանյութ) Տեղեկությունը չի համապատասխանում իրականությանը․ Չինաստանի ԱԳՆ-ն՝ Ռուսաստանին զենք մատակարարելու մասին Ռուսաստանին երիտասարդ և հեռանկարային մարդիկ են պետք. Պուտին Իրանը ԱՄՆ-ի հետ ժամանակավոր միջուկային գործարք կարող է կնքել․ Axios