Ուկրաինայում խաղաղ կարգավորումը պետք է տեղի ունենա երեք փուլով․ Ազարով

Ռուսաստանի և ԱՄՆ-ի միջև Ուկրաինայում զինված դիմակայության խաղաղ կարգավորման շուրջ սկսված բանակցային գործընթացի շրջանակներում հարկ է առաջին հերթին քննարկել այդ հակամարտության խորքային պատճառները։ Այս մասին Telegram-ի իր ալիքում գրել է Ուկրաինայի նախկին վարչապետ Նիկոլայ Ազարովը, հայտնում է EADaily-ն։

Նրա կարծիքով՝ այդ պատերազմի անխուսափելիությունն ապահովվել է սկզբում Ուկրաինան «ոչ ռուսաստական», իսկ հետո՝ «հակառուսական» դարձնելը։

«Երբ այդ ամենն ավարտվեց, Կիևը սկսեց սպառնալ ոչ միայն Ռուսաստանի, այլև ամբողջ աշխարհի անվտանգությանը։ Ահա թե ինչն է հիմքում: Ահա թե ինչի մասին է առաջին հերթին պետք խոսել, եթե կա խնդիրը լուծելու ձգտում», - նշում Է Նիկոլայը։

Նա համոզված է, որ հարցը պետք է դիտարկել հենց այս գլոբալ համատեքստում, այլ ոչ թե դատողություններ անել այն մասին, թե «որ ուղղությամբ է ձգվելու սահմանը՝ ձախ կամ աջ»։

Ազարովը կարծում է, որ Ուկրաինայում խաղաղ կարգավորումը պետք է տեղի ունենա երեք փուլով․ «Առաջինը հրադադարն է։ Երկրորդը՝ ընտրությունների նախապատրաստումը՝ Ուկրաինայում լեգիտիմ իշխանության հաստատումը։ Երրորդը երկարաժամկետ խաղաղության և անվտանգության շուրջ բանակցություններն են լեգիտիմ ղեկավարության հետ, որը ձևավորվում է ընտրությունների արդյունքում»։

Նախկին վարչապետը հակադարձել է, որ այս փուլում բանակցությունների մասնակիցները փորձել են լուծել տարածքների հարցերը և որոշել էլեկտրակայանների ճակատագիրը: Նա պնդում է, որ այդ հարցերն արդեն վերաբերում են երկարաժամկետ խաղաղությանը, որի ձեռքբերումը հնարավոր է միայն խաղաղության ծրագրի երրորդ փուլում, այսինքն՝ ընտրություններից հետո։ 

Այս թեմայով Կիեւը եւ Լոնդոնը համակարգում են ռազմական գործողությունները` ուղղված Թրամփ-Պուտին գագաթնաժողովը ձախողելուն Թրամփը կասեցրել է մաքսատուրքերի ներդրումը Թրամփ. ԱՄՆ-ն այլևս ռազմական աջակցություն չի ցուցաբերի Ուկրաինային Մակրոնը և Թրամփը պարբերաբար «հանպատրաստ» հեռախոսազանգեր են ունենում․ NYT Մենք Պանամայի ջրանցքը չենք տվել Չինաստանին, մենք այն տվել ենք Պանամային․ Թրամփ