Ալիևի օգնականը հայտարարել է, թե Ադրբեջանը փոխհատուցում կպահանջի Հայաստանից

Բաքվի Գլոբալ ֆորումին մասնակցում է շուրջ 400 տարբեր ներկայացուցիչներ, լրագրողներին ասել է Ադրբեջանի նախագահի օգնական Հիքմեթ Հաջիևը, հաղորդում է ԱՊԱ-ն։

Նա նշել է, որ նոր աշխարհակարգը գլխավոր հարցերից մեկն է։

«Ադրբեջանը ցույց է տվել իր դիրքորոշումը Հարավային Կովկասում նոր իրողություններ ստեղծելու հարցում»,– ասել է Հաջիևը։

Նա նաև Հայաստանին մեղադրել է, իբր թե, Ադրբեջանի դեմ «հանցագործություններ» կատարելու մեջ և շեշտել, թե դա «չի մոռացվի»։

«Ադրբեջանի դեմ տարածքային պահանջները պետք է հանվեն Հայաստանի Սահմանադրությունից։ Նման բան արդեն գործնականում եղել է։ Հյուսիսային Իռլանդիայի հետ կապված փոփոխություններ են կատարվել Իռլանդիայի Հանրապետության Սահմանադրության մեջ»,– ասել է Ալիևի օգնականը։

Անդրադառնալով Բաքվում ապօրինի պահվող հայ պատանդների նկատամամբ իրականացվող շինծու «դատավարությանը»՝ նա նշել է, թե «Հայաստանը ներկայումս անիմաստ քարոզչական արշավ է իրականացնում այդ դատարավության դեմ»։

«Հայաստանի տարածքում կան մարդիկ, ովքեր ռազմական հանցագործություններ են կատարել մարդկության, ադրբեջանցի ժողովրդի դեմ, նրանք պետք է քրեական պատասխանատվության ենթարկվեն»,– պնդել է Հաջիևը։

Նա նշել է, թե Հայաստանը սխալվում է, եթե կարծում է, որ հնարավոր է ցանկացած բանաձևով ազդել Ադրբեջանի կամքի վրա. «Հայաստանն ու նրա հովանավորները սխալվում են»։

«Փոխհատուցման հարցը նույնպես քննարկման փուլում է։ Նախագահի հանձնարարությամբ Ադրբեջանի համապատասխան կառույցները ժամանակակից մեթոդների կիրառմամբ ճշգրիտ և մանրամասն գնահատել են Հայաստանի կողմից 30-ամյա «օկուպացիայի» ընթացքում մեր քաղաքների և գյուղերի ավերածությունների, մեր նյութական և մշակութային ժառանգության ոչնչացման և թալանի հետևանքով հասցված վնասները։ Այս հարցը նույնպես առանձին քննարկման թեմա է տարածաշրջանում խաղաղության լիարժեք ապահովման համար»։

Այս թեմայով Վլադիմիր Պուտինը Զատկի կապակցությամբ հրադադար է հայտարարել Հայաստանին ակտիվ սպառազինվելու մեջ մեղադրող Ադրբեջանը 2024-ին ավելի քան 2 միլիարդ դոլարի զենք է գնել ԱՄՆ-ը հայտարարել է, որ կարող է վերահսկել ժամանակն ու տարածությունը (ՏԵՍԱՆՅՈՒԹ) Թրամփը հայտարարել է «ինքնարտաքսման» ծրագրի մասին. ներգաղթյալներին կտրամադրեն ինքնաթիռի տոմս և գումար «Խաղաղասեր» Ադրբեջանը հայտնվել է աշխարհի խոշորագույն զենք գնողների քսանյակում