Վաշինգտոնը Կիևին է փոխանցել Պուտինի վերջնագիրը` դա համարելով խնդրի ճիշտ լուծում. Արեւմտյան աղբյուրներ

Առավել քան սենսացիոն լուրեր են հրապարակում արեւմտյան աղբյուրները` Սաուդյան Արաբիայում տեղի ունեցած ԱՄՆ-ի եւ Ուկրաինայի բանակցությունենրի վերաբերյալ: Մասնավորապես, որ ամերիկյան կողմը Կիևին փաստացի ներկայացրել է Պուտինի վերջնագիրը...

Ըստ Bloomberg-ի՝ Ռուսաստանը նույնիսկ չի պատրաստվում քննարկել այլ տարածքային տարբերակներ, բացի իր սահմանադրական նոր սահմանների ճանաչումից, որոնք հաստատվել են ԴԺՀ-ի, ԼԺՀ-ի, Զապորոժեի և Խերսոնի շրջանների հանրաքվեների արդյունքում։ Այսինքն, ամբողջությամբ Ղրիմը, Սևաստոպոլը և նախկին ուկրաինական չորս մարզերը պետք է ճանաչվեն, որպես ՌԴ սահմանադրական մաս:

Մոսկվան պահանջում է նաև չեզոք կարգավիճակ Ուկրաինայի մնացորդների համար։ Ավելին, Sky News-ի, ամերիկյան պատվիրակությունն անմիջապես կտրել է ուկրաինական կողմից «բոլոր առարկություններն ու տարբերակներն» այս հարցում։

Բացի այս ամենից, Ռուսաստանը խաղաղության պայմանագիր կկնքի միայն Զելենսկու հրաժարականի և իշխանությունը Գերագույն Ռադայի ղեկավար Ստեֆանչուկին փոխանցելուց հետո։ Այն հիմքով, որ ռուսական մեկնաբանությամբ, Զելենսկին դեռ անցած տարի է սպառել իր լիազորությունների ժամկետը: Եվ այն, որ արտակարգ դրության պայմաններում ուկրաինական օրենսդրությունը ընտրություններ չի թույլատրում, չի նշանակում, որ դա մեխանիկորեն պետք է երկարացներ Զելենսկու լիազորությունները. այդ մասին ուկրաինական օրենսդրությունը ոչինչ չի սահմանում: Այսիքն, որ նախագահի լիազորությունների դադարեցման դեպքում պարզապես պետք է այդ լիազորությունները փոխանցվեին այլ լեգիտիմ մարմնի, ու Ռադային ղեկավարն այդ ցանկում առաջինն է: Իսկ Զելենսկու ստորագրած ցանկացած փաստաթուղթ հետագայում ուկրաինական օրենսդրության սահմանած կարգով կարող է չեղարկվել: Նման ռիսկից խուսափելու համար Մոսկվան նաեւ պայման ունի, որ ցանկացած վերջնական պայմանագիր պետք է նաեւ հաստատվի Ռադայի սահմանադրական մեծամասնությամբ, քանի որ դա կոնկրետ պայմանագիրը, որը ենթադրում է սահմանների փոփոխություն, նաեւ Ուկրաինայի Սահմանադրության փոփոխություն է պահանջում։

Ի դեպ, որոշ աղբյուրներ ակնարկում են նաեւ, որ Կուրսկում ռուսների իրականացրած օպերացիան, հատկապես` խողովակաշարով հակառակորդի թիկունք թափանցելու եւ դրա հաշվին մաշստաբային հաղթանակ տանելու փաստը նաեւ ամերիկյան կողմի վրա է շոկային ազդեցություն թողել: Ըստ աղբյուրի` տպավորություն սա է` «Ռուսական բանակը սրանով ցույց տվեց, որ արդեն այն ռուսական բանակն է, ինչպիսին աշխարհում միշտ պատկերացրել են: Իսկ դա լուրջ վախեր է առաջացրել նաեւ ամերիկացիների մոտ. եթե ռուսներն այս պահին իրենք չցանկանան կանգ առնել, ապա կարող են վերցնել շատ ավելին, քան հիմա պահանջում են: Ընդ որում, այլեւս ոչ մի միջնորդության կարիք չեն ունենա: Իսկ դրա այլընտրանքը միջուկային բախումն է: Ուրեմն, պրագմատիկորեն, պետք է այս պահին տալ ուզածները եւ կանգնեցնել հետագա շարժը: Նաեւ Ուկրաինայից ստանալ այն, ինչ հնարավոր է` հանքերի եւ այլ գույքի տեսքով»: Արդյունքում ինչպես նույն աղբյուրներն են պնդում, Վաշինգտոնը պարզապես Կիևին է փոխանցել Պուտինի վերջնագիրը` դա համարելով խնդրի ճիշտ լուծում։

Սա, իհարկե, սենսացիոնից էլ այն կողմ գտնվող լուր է, եւ սպասենք պաշտոնական հաստատման կամ հերքման:

Այս թեմայով Իրանի արտգործնախարարը գնահատել է Պուտինի հետ բանակցությունների արդյունքները «Իրավունք». Փաշինյանի վերջին հիստերիկ ելույթը ամենևին պահի ազդեցության պոռթկում չէր. Ի՞նչ են նրան փոխանցել վերջին պահին Ինչպես են Մոսկվան և Վաշինգտոնը պատրաստվում լուծել ուկրաինական հակամարտությունը. Ռուսական աղբյուր Կրեմլում խոսել են Պուտինի և Թրամփի հանդիպման նախապատրաստման մասին Այսօր հայտնի փաստաբանի սիրասուն քույրիկի տարեդարձն է