ՆԱՏՕ-ի երկրները սկսել են զգուշանալ միմյանց հետախուզական տվյալներ փոխանակելուց․ Politico

Անվստահությունը ցնցում է ՆԱՏՕ-ի «միջուկը». դաշինքի անդամների շրջանում աճում է մտահոգությունը հետախուզական տվյալների փոխանակման ռիսկերի վերաբերյալ, իսկ Ռուսաստանի հետ հարաբերությունները կարգավորելու ԱՄՆ նախագահ Դոնալդ Թրամփի փորձերը սաստկացրել են Վաշինգտոնի հետ նման համագործակցության թերահավատությունը: Այս մասին հայտնում է Politico պարբերականը՝ մեջբերելով անվտանգության ծառայություններում և ռազմական բլոկի կառույցներում աշխատող նախկին պաշտոնյաների արտահայտությունները։

Պարբերականը նշում է, որ ՆԱՏՕ-ում հետախուզական տվյալների փոխանակումը վաղուց բարդացել է Կենտրոնական եւ Արեւելյան Եվրոպայի այն երկրների նկատմամբ դաշինքի ավանդական մասնակիցների անվստահության պատճառով, որոնք դրան միացել են ԽՍՀՄ փլուզումից հետո:

«Անվստահությունն ուժեղացավ Հատուկ ռազմական գործողությaն մեկնարկից հետո՝ Հունգարիայի և Սլովակիայի ռուսամետ դիրքորոշումների պատճառով։ Թրամփի կողմից Ռուսաստանի հետ ԱՄՆ-ի հարաբերությունները կարգավորելու փորձերը ցնցում են դաշինքի առանցքը՝ ստիպելով երկրներին մտածել Վաշինգտոնի հետ հետախուզական տվյալների փոխանակման ռիսկերի մասին», - նշում Է Politico-ն:

«ՆԱՏՕ-ի կառույցներում շատ են բամբասանքները դաշինքում հետախուզական տվյալների փոխանակման ապագայի մասին», - պարբերականին հայտնել է դաշինքին կից ԱՄՆ մշտական ներկայացուցիչ Ջուլի Սմիթը:

Նա հաստատել է, որ դաշնակից երկրների որոշ ներկայացուցիչներից լսել է, որ նրանք վախենում են Վաշինգտոնի կողմից տվյալների փոխանակման դադարեցումից: Ընդ որում, ՆԱՏՕ-ի անանուն գործող պաշտոնյան կոչ է արել չչափազանցել նման սպառնալիքները։ Նա խոստովանել է, որ Սպիտակ տանը Վլադիմիր Զելենսկու հետ Թրամփի լեզվակռվից հետո «բնականաբար, շատ հարցեր կան»։

«Բայց անձնակազմը հանգստություն է պահպանում և շարունակում է աշխատել։ Իհարկե, որոշակի կոռոզիա կա ուկրաինական հարցի նկատմամբ առկա մոտեցման պատճառով, բայց մենք այն կարծիքին ենք, որ Թրամփը ՆԱՏՕ-ի հետ իրական խնդիրներ չունի, բացի ծախսերի հարցից։ Այնպես որ, դա արդեն ինչ-որ բան է», — ընդգծել է նա ։

Մեկ այլ գործող պաշտոնյա նաեւ անանունության պայմանով ճշտել է, որ միջազգային ասպարեզում վերջին իրադարձությունները չեն ազդել դաշինքում հետախուզական տվյալների փոխանակման վրա:

«Մենք դրանում ոչ մի նվազում չենք տեսել», -  պնդում է պարբերականի զրուցակիցը:

Այս թեմայով Օդեսայի գրավումը Ռուսաստանի գլխավոր ռազմավարական նպատակն է. ՆԱՏՕ-ի նախկին հրամանատար ԱՄՆ պետքարտուղարը ՆԱՏՕ-ի գլխավոր քարտուղարին հայտնել է, որ ԱՄՆ-ը կարող է հրաժարվել ուկրաինական հարցով միջնորդությունից Ադրբեջանի պետական «AZ TV» հեռուստաընկերությունը ֆիլմաշարք է սկսել, որտեղ ՀՀ տարածքը հերթական անգամ ներկայացվում է որպես «Արևմտյան Ադրբեջան». ադրբեջանագետ 44-օրյային ղարաբաղցիների մեծ մասը չի կռվել, մի մասն ինադու սաբոտաժ ա արել, մի մասն էլ տվյալներ ա տվել. Խաչատուր Սուքիասյան (տեսանյութ) ՆԱՏՕ-ի չափանիշներով. նոր բարեփոխումներ են նախատեսվում հայկական բանակում