Բրիտանիայի նոր «շուստրիությունը»

ԱՄՆ-ում Մեծ Բրիտանիայի դեսպան Փիթեր Մանդելսոնը հայտարարել է, որ Կիևը պետք է միակողմանիորեն զինադադար հայտարարի.

«Մեզ անհրաժեշտ է արմատական ​​վերաբեռնում։ Այն պետք է բաղկացած լինի այն բանից, որ ԱՄՆ-ը և Ուկրաինան վերադառնան նույն կողմը, նախագահ Զելենսկին անվերապահորեն աջակցի նախագահ Թրամփի նախաձեռնությանը, որն ուղղված է պատերազմի ավարտին և Ուկրաինայում արդար և կայուն խաղաղության հաստատմանը: Եվ եվրոպացիները նույնպես պետք է աջակցեն հրադադարի կոչերին, և, ի դեպ, ես կարծում եմ, որ Ուկրաինան պետք է լինի առաջինը, ով պետք է հրադադար հաստատի և մարտահրավեր նետի ռուսներին»:

Սա, իհարկե, Բրիտանիայի նոր «շուստրիությունն» է: Այս պահին ուկրաինական ռազմաճակատներում նման պատկեր է. ռուսները գործնականում բոլոր ուղղություններով հարձակվում են, իսկ ուկրաինական կողմը մի կերպ է պաշտպանվում: Ու բավական է, որ ամեն պահի կտրվելու պատրաստ ուկրաինական ծայրահեղ լարված պաշտպանությունը մի հատվածում կտրվի, որ հետեւանքները դառնան անուղղելի: Ու սրանով հանդերձ` ԱՄՆ-ն մեղադրում է Ուկրաինային` պատերազմը դադարեցնել չցանկանալու մեջ` սպառնալով կանգնեցնել ամեն մի օգնություն, որը ուկրաինական այդ ձգված պաշտպանությունը կարող է պայթեցնել ոչ թե մեկ, այլ մի քանի հատվածներում: Կիեւ-Լենդոնին պետք է ժամանակ շահել, եւ դրա համար բրիտանացիներն առաջարկում են մի բան, որը, գիտեն, որ ռուսները ոչ մի դեպքում չեն անի: Այն է` գոնե ձեւականորեն հայտարարել միակողմանի հրադադար: Եթե ռուսները կանգ չառնեն, ապա դա կհրամցնեն Վաշինգտոնին, թե տեսաք իրակաւոմ ով է ուզում պատերազմը շարունակել: Դա որոշակի փակուղի կստեղծի նաեւ Թրամփի համար, անմիջապես կմիացնեն քարոզչությունը, թե, տեսեք, Կիեւը պատերազմի ավարտն է ուզում, ռուսները չեն ուզում, բայց Թրամփը դադարեցնում է ուկրաինայի օգնությունը: Եթե ռուսները կանգ առնեն, ապա դա ուկրաինական կողմին զինել-համալրելու, պաշտպանական դիրքերը կարգավորելու այդքան անհրաժեշտ ժամանակն է տալիս:

«Շուստրի» խաղ է, բայց ոչ էֆեկտիվ. ռուսները պարզապես կհիշեցնեն, որ իրենք պահանջում են ոչ թե զինադադար, այլ վերջնական խաղաղության պայմանագիր, եւ այդ ծուղակը չի աշխատի: 

Այս թեմայով Այսպիսի իրականություն Հայոց նորագույն պատմության ընթացքում երբեւէ չի եղել. Կովկասագետը Ցեղասպանության ուրացման հետքերով ՌԴ-ի հետ մենք մենակ ենք մնալու, իսկ ԱՄՆ-ն լուծում է իր հարցերը Բրիտանիայի և ԵՄ-ի հետ. Ուկրաինական աղբյուր Մեծ Բրիտանիայի նախկին վարչապետը Եվրոպային կոչ է արել «դադարել լինել մակաբույծ» Զելենսլին փաստացի խոստովանեց, որ Բրիտանիայի դրդմամբ է դեմ գնում Թրամփին (Տեսանյութ) Թրամփը նվաստացրել է Մեծ Բրիտանիայի վարչապետ Սթարմերին (Տեսանյութ)