Ամեն մարդու սրտում էլ զոհասեղան կա. կարևորագույն հարցն այն է, թե ում է այն նվիրված, ում կամ ինչի պատկերի առջև ենք խոնարհվում մեր սրտում. Տեր Գրիգոր քահանա Գրիգորյան

Այսօր Մեծ Պահքի առաջին կիրակին է՝ Բուն բարեկենդանը:

Զորավոր Սուրբ Աստվածածին եկեղեցու հոգևոր հովիվ Տեր Գրիգոր քահանա Գրիգորյանը նշում է՝ այսօր, երբ փակ է խորանի վարագույրը, երբ մեր աչքերից ծածկված են մեր անուշիկ Մոր ու սիրասուն Քրիստոս Մանկան սուրբ պատկերները, Եկեղեցին հրավիրում է մեզ հետաքրքիր ու բացահայտումներով լի մի ճամփորդության դեպի մեր սեփական հոգի, դեպի մեր սրտի խորանն ու այնտեղ գտնվող զոհասեղանը։

«Ամեն մարդու սրտում էլ զոհասեղան կա, սիրելիներ, և կարևորագույն հարցն այն է, թե ում է այն նվիրված, ում կամ ինչի պատկերի առջև ենք խոնարհվում մեր սրտում։

Այդ ճամփորդությունից վախենալու հարկ չկա, սիրելի հավատացյալներ․ որքան էլ որ տհաճ ու անցանկալի բացահայտումներ անեք ձեզ համար, դրանց լուծումը կա, արդեն տրվել է սուրբ Ավետարանի ու սուրբ հայրերի կողմից։

Եվ եթե մտածեք այն հոգևոր մեծ թեթևության, խաղաղության ու աճի մասին, որ պիտի ունենաք Մեծ պահքի այս հոգեշահ ընթացքը ճիշտ անցնելուց հետո, ապա մեծ ոգևորությամբ ու պատրաստակամությամբ պիտի անցնեք դեպի հոգևոր բարձունքներ տանող այդ ճանապարհը»,- նշել է Տեր Գրիգորը։

Այս թեմայով Ամոթ է, ամեն բան գցել էդ մարդու վրա, դա առնվազն անշնորհակալ քայլ է․Գագիկ Մելքոնյան Աբսուրդ է, որ թաղապետարանում խուլիգանական վարքագիծը կապում են Կրեմլի հետ. Աննա Գրիգորյան Փաշինյանը մեկնել է Մոսկվա՝ մասնակցելու Հայրենական մեծ պատերազմում հաղթանակին նվիրված միջոցառումներին Արմեն Գրիգորյանը կմեկնի Հնդկաստան Ամեն ինչ անելու ենք, որ Նիկոլ Փաշինյանը վարչապետ չլինի. Հակոբ Ասլանյան (տեսանյութ)