«Զելենսկուն մնում է միայն կախվել». նա չի կարող Թրամփին տալ հանքերը, որոնք նա արդեն տվել է Բրիտանիային

Ուկրաինական միանգամայն տեղեկացված աղբյուրը սարսափելի փաստեր է հայտնում այն մասշտաբային թալանի մասին, որն իրականացրել է Զելենսկին եւ նրա որոշ մերձավորներ Ուկրաինայում: Վերձնական գնահատումը սա է.

«Եթե ամերիկացիները բացահայտեն Զելենսկի/Երմակի ողջ ունեցվածքը, ապա Յանուկովիչի ոսկե բոքոնի, ոսկե զուգարանի, և Պշոնկայի պալատների, զբոսանավերի պատմությունը «մանկական բամբասանք» կթվա։ Այս «ժողովրդի ծառաները» 100 անգամ ավելի շատ են գողացել, քան բոլոր «նախկինները» միասին վերցրած։ (Թեմայից շեղվելով` Նիկոլ Փաշինյանի ականջը կանչի- Հեղ.): Մենք չենք զարմանա, եթե Զելենսկին իրեն «ոսկե դաշնամուր» և «ոսկե զբոսանավ» գնի»։

Ամբողջ հարցն այն է, թե Զելենսկին ու նրա մերձավորները կկարողանա՞ն գլուխները պրծացնել ներկա վիճակից, որ այդ ողջ թալանածը հետո հանգիստ լափեն: Հարցեր այստեղ կա:

Ամերիկացիները, կարծես թե, պատրաստվում են բացահայտել այդ մասշտաբային թալանի իրական պատմությունը: Թրափի թիմում գիտեն, որ բազմապատիկ անգամ ավելի մեծ փողեր գնացել են բայդենական թիւմակիցների գրպանները, եւ այդ ամենը նախ` պետք է ջրի երես հանեն ներամերիկյան լիբերալներին վերջնականապես ջախջախելու եւ ռեվանշիստական բոլոր հույսերից կտ րելու համար, որ դրանով սեփական թիկունքն ապահովեն: Նաեւ, որ այդ «ջրի երես հանելը» պետք է սկսել հենց Զելենսկուց, եւ թելը կտանի ուր որ պետք է:

Այս ֆոնին, Զելենսկին թեեւ փորձում է ատամներով կառչած մնալ իր դիրքերից, սակայն, ըստ միանգամայն արժանահավաը աղբյուրների, Թրամփը նրան վերջնագիր է ներկայացրել: Այն է, նախօրեին Լիեւ այցելած թրամփյան բանագնաց Քեյթ Քելլոգն «գործ կարդինալ» Երմակին է փոխանցել Ուկրաինայի կառավարության թվային արժույթով 2020 թվականից սկսած բոլոր գործարքների վերաբերյալ փաստաթղթերը։ Դա մասշտաբային թալանի փաստերի միայն մասն է, բայց որն էլ հաստատում է, որ Թրամփն իրավիճակին տիրապետում է: «Վերջին հաշվով, Զեփլենսկու հանդեպ կար ԿՀՎ-ի հսկողությունը` վերահսկողությունից դուրս չթողնելու համար, եւ հիմա բոլոր փաստերը Թրամփի ձեռքի տակ են»,- բացատրում է աղբյուրը: 

Ըստ այդմ էլ, ներկայացնելով այդ հիմնավորումները. Թրամփի հատուկ ներկայացուցիչը զգուշացրել է, որ եթե Զելենսկին չհամաձայնի ներկայացված բոլոր պահանջներին, այդ թվում` Թրամփի խաղաղության ծրագրին եւ, որ այս ամերին առանցքներից է, հանքերն ԱՄՆ-ին հանձնելուն, Զելենսկու ե նրա աշխատակազմի բոլոր կոռուպցիոն սխեմաները կհրապարակվեն արևմտյան լրատվամիջոցներում, իսկ ԱՄՆ կառավարությունը պատժամիջոցներ կկիրառի։

Միաժամանակ, հստակ մեսիջներ են հղվել ուկրաինական (եւ ոչ միայն) բոլոր հարթակներին, թե այն, ինչ է սպասվում իրենց ապագայում, Յանուկովիչի հետ տեղի ունեցածը, որ կարողացավ հանգիստ ունեցածը վայելել Ռուսաստանում, մանկական խաղ կթվա: Այսինքն, հիմա Թրամփը սկսել է վերաֆորմատավորել աշխարհաքաղաքական լանդշաֆտը և մաքրել գլոբալիստների կառույցները, ինչը նշանակում է, որ այլևս դատարկ սպառնալիքներ չեն լինի։ Ու մասնավորապես ողջ ուկրաինական ներքին ներկապանակը հենց հիմա պետք է որոշի` Ուկրաինայի հե՞տ է, թե` Զելենսկու: Դա վերաբերում է նաեւ պաշտոնյաներին, քաղաքական գործիչներին, անվտանգության ուժերին եւ բանակային ղեկավարությանը: 

Ու սա այն ֆոնին, երբ ուկրաինական զինված ուժերի վիճակը ճակատում գնալով վատթարանում է։ Զինուժի, զենք-զինամթերթի պակասը գնալով ավելանում է: Եվ ռուսները կշարունակեն գնալով ակտիչվացնել հարձակումը: «Բայց միայն, ըստ ամերիկացիների հետ պայմանավորվածությունների, չմտնեն այն ռեսուրսային գոտիներ, որտեղից Թրամփը պատրաստվում է ԱՄՆ-ի ներդրած փողերը հետ ստանալ»,- հայտնում է աղբյուրը:

Զելենսկին եւս հասկանում է, որ սա իր վերջն է: «Հասկանում էր նաեւ այն պահին, երբ մերժեց Թրամփին, թեեւ նախապես խոստացել էր, որ կստորագրի Մյունխենում: Նրա ինչի՞ն էր պետք ամերիկյան ֆինանսների նախարարի այցից մինչեւ Մյունխեն ընկած այդ կարճ դադարը: Բացատրենք:

Բանն այն է, որ Մի6-ի գործակալ Երմակի շնորհիվ Թրամփի պահանջած այդ բոլոր հանքավայրերն արդեն հանձնվել է Բրիտանիային: Մասամբ` ուղիղ, մասամբ` միջնորդավորված: Հազվագյուտ հողային հանքանյութերի, Ուկրաինայի հիմնական էներգետիկ/արդյունաբերական ենթակառուցվածքային օբյեկտները հանձնելու վերաբերյալ իր ստորագրությունը Զելենսկին դրել է իր եւ վարչապետ Սթարմերի միջեւ ստորագրված Համաձայնագրի գաղտնի մասում: Ավելին, Երմակի հսկողությամբ այն նաեւ վավերացվել է խորհրդարանի կողմից: Այո, մենք պարտավորվել ենք բոլոր նավահանգիստները/ատոմակայանները/գազի պահեստարանները/գազի փոխադրման համակարգը/տիտանը և գազի արդյունահանումը փոխանցել բրիտանական հսկողության տակ։ Այսինքն Բրիտանիան, որը, մեղմ ասած, համեստ ծախսեր է կատարել ուկրաինական պատերազմում, բայց հիմա իրենով է արել ուկրաինական բոլոր հիմնական հարստությունները: Թե սա ինչ մասշտաբային գողություն է ուկրաինական ժողովրդի նկատմամբ, դեռ հարցի մի կողմն է:

Իսկ քաղաքական իմաստով, Զելենսկուն այդ մի քանի օրը պետք էր բրիտանացիների հետ կապի համար, թե` չեմ կարող, պետք է Թրամփին տամ: Սակայն MI6-ն ակտիվորեն նրան շատ բաներ հիշեցրեց, փաստեր, որոնք ապացուցում են, թե իրականում Զելենսկին հանուն ինչի սկսեց այս պատերազմը` Ուկրաինան տանելով ոչնչացման: Ու նա ստիպված էր մերժել Թրամփին: Հասկանո՞ւմ էր դրա հետեւանքները, թե՞ սովորականի պես «դոզայի տակ» էր եւ հավատաց այն խոստումներին, թե Սթարմերը հանդիպելու է Թրամփի հետ, բոլոր հարցերը կկարգավորի: Իսկ Թրամփը հայտարարեց` Սթարմեր շատ է խնդրում, միգուցե հանդիպեմ, բայց նրան ասելիք չկա, ու անմիջապես էլ սկսեց Զելենսկուն ոչնչացնել: Դրանով ցույց տվեց` չի պատրաստվում որեւէ բան կիսել գիշակեր բրիտանացիների հետ, երբ ամեն ինչ իրենն է համարում: Ու հիմա Զելենսկուն մնում է միայն կախվել»,- մանրամասնում է աղբյուրը:

Այս թեմայով Մի քաջալերեք շատախոսությունը. Հայտնի փաստաբանի հայտարարությունը Ուիտկոֆը կարող է Ռուսաստան գալ Լոնդոնում բանակցություններից հետո. The Wall Street Journal Ռուսաստանը և Ուկրաինան կարող են համաձայնության գալ առաջիկա շաբաթ. Թրամփ Պուտինը Զատկի զինադադարը երկարաձգելու հրաման չի տվել. Պեսկով Իրական ռազմավարությունը, որը կա ՌԴ-ի Զատիկի հրադադարի հետևում, կարող է Թրամփին ռուսամետ դարձնել. CNN