Թրամփը հրապարակավ կրկնել է այն ամենը, ինչ գրել էր Զելենսկու մասին երեկ (Տեսանյութ)

Թրամփը կրկնել է այն ամենը, ինչ գրել էր Զելենսկու մասին նախօրեին.

«Մտածեք այս մասին, թե ինչպես է այս բավականին հաջողակ կատակերգու նախագահ Զելենսկին ԱՄՆ-ին համոզել 300 միլիարդ դոլար ծախսելու մի պատերազմի վրա, որը հնարավոր չէ հաղթել: Եվ այնուամենայնիվ, այս պատերազմը չէր սկսվի, եթե ես լինեի նախագահ։ Իսկ իմ նախագահ եղած ժամանակ 4 տարի պատերազմներ չեն եղել։

ԱՄՆ-ը 200 միլիարդ դոլարով ավելի է ծախսել, քան Եվրոպան: Մենք փորձում ենք հետ ստանալ այս գումարը։ Ես հարցնում եմ՝ ինչո՞ւ մենք դա չենք անում ճիշտ այնպես, ինչպես Եվրոպան: Մենք շատ ավելին ենք ծախսել, և պետք է հավասարեցնել ամեն ինչ: ԱՄՆ-ն ոչինչ հետ չի ստացել, իսկ նրանց գումարը վերադարձրել է որպես վարկ։ Մենք փորձում ենք հետ ստանալ այս գումարը և փորձում ենք համաձայնության գալ հազվագյուտ հողային մետաղների հարցում, բայց նրանք չհամաձայնվեցին, մերժում են։ Ես նրանց ասում եմ՝ մենք ծախսել ենք 300 միլիարդ դոլար։ Եվրոպան հետ է ստանում իր փողերը, իսկ մենք՝ ոչ: Մենք ուղղակի փո՞ղ ենք բաժանում: Բայդենի վարչակազմը պարզապես փո՞ղ էր բաժանում։

Բայց նրանք գործ չունեն նույն Միացյալ Նահանգների հետ, ինչ մի քանի ամիս առաջ էր։ Ինչու՞ խաբեբա Ջո Բայդենը դա արեց և ինչո՞ւ հետ չպահանջեց իր գումարը։ Եվ այս պատերազմն ավելի կարևոր է Եվրոպայի համար, քան մեզ։ Մեր միջև բավականին մեծ, գեղեցիկ օվկիանոս կա։ Մենք փորձում ենք օգնել Եվրոպային, և Զելենսկին խոստովանում է, որ փողի կեսը, որ ուղարկել ենք իրենց, նրանք նույնիսկ չգիտեն, թե որտեղ է դա։ Նա ասաց, որ չգիտի, թե ուր է գնացել միջոցների կեսը։ Պարզապես հիանալի, հիանալի:

Նա հրաժարվում է ընտրություններ կազմակերպելուց։ Այսինքն, ըստ հասարակական կարծիքի հարցումների, նրա վարկանիշն այնքան էլ բարձր չէ։ Ինչպե՞ս կարող է վարկանիշը բարձր լինել, եթե քաղաքներն ավերակ են։ Գրեթե բոլոր քաղաքները: Եվ այն, ինչ նա լավ է անում, Ջո Բայդենի հետ խաղալն է: Բայց սա այլեւս չի կրկնվի:

Փաստացի դիկտատոր, առանց ընտրությունների Զելենսկին պետք է արագ գործի, այլապես երկրից ոչինչ չի մնա: Կառավարելու բան չի լինի։ Քանի որ այն շարժվում է սխալ ուղղությամբ:

Մինչդեռ մենք հաջողությամբ բանակցում ենք Ռուսաստանի հետ, թե ինչպես ավարտենք այս պատերազմը՝ բանակցելով։ Եվ դա կարող է անել միայն Թրամփի վարչակազմը, նույնիսկ Պուտինն է դա խոստովանել։ Բայդենը նույնիսկ չփորձեց, Եվրոպան ոչինչ չկարողացավ անել: Զելենսկին, իհարկե, ուզում է... Ես չգիտեմ, թե նա ինչ է ուզում: Որպեսզի փողերը շարունակեն հոսե՞լ: Բայց նրան իսկապես դուր չի եկել, որ իրեն չեն հրավիրել։ Նա շատ էր զայրացել, որ իրեն չեն հրավիրել Սաուդյան Արաբիա։ Բայց նա աշխատել է 3 տարի, իսկ 3 տարում ոչ մի հանդիպում, ոչ մի հեռախոսազրույց չի կազմակերպել։ Ռուսաստանը կորցրել է 900 հազար մարդ, Ուկրաինան՝ 700 հազար մարդ, հնարավոր է։ Սարսափելի է։ Գրեթե ամեն ինչ սփռված է դիակներով։ Ես դա տեսա արբանյակային լուսանկարներում:

Ես սիրում եմ Ուկրաինան, բայց Զելենսկին, իհարկե, շատ վատ է արել այս ամենը։ Միլիոնավոր մարդիկ բոլորովին անհիմն մահացան։ Պատերազմը չես կարող կանգնեցնել, եթե չես բանակցում, իսկ նա 3 տարի ոչինչ չի արել։ Մենք հուսով ենք, որ շուտով կհասնենք հրադադարի՝ ինչպես Ուկրաինայում, այնպես էլ Մերձավոր Արևելքում»,- հայտարարել է ԱՄՆ նախագահը։

Այս թեմայով Թրամփը ներկա կլինի՞ Մոսկվայում Հաղթանակի շքերթին. Պուտինի մամուլի քարտուղարի պարզաբանումը Թրամփը հոգնել է Ուկրաինայի հակամարտությունից․ Քելլոգ Քելլոգը հաստատել է Ռուբիոյի և Թրամփի խոսքերը` ուկրաինական բանակցություններից ԱՄՆ-ի դուրս գալու մասին (Տեսանյութ) Թրամփը երկու անգամ խնդրել է Պուտինին` Զելենսկու սադրանքներից հետո «Օրեշնիկ» չօգտագործել Մասնագետը զգուշացրել է արյnւնով մսի վտանգի մասին