Թրամփն Ադրբեջանին պատասխանատվության ենթարկելու բացառիկ հնարավորություն ունի, մի բան, որը Բայդենը չարեց. Newsweek

Միջազգային

«Քամալա Հարիսը ոչինչ չարեց այն ժամանակ, երբ 120 հազար հայ քրիստոնյա Արցախում սարսափելի հալածանքների և բռնի տեղահանման էին ենթարկվում: Քրիստոնյաներն ամբողջ աշխարհում ապահով չեն լինի, եթե Քամալա Հարիսը դառնա Միացյալ Նահանգների նախագահ, ես կպաշտպանեմ հալածված քրիստոնյաներին, կաշխատեմ վերջ տալ բռնությանը և էթնիկ զտումներին, և մենք կվերականգնենք խաղաղությունը Հայաստանի և Ադրբեջանի միջև»: Դոնալդ Թրամփն այս հայտարարությունն արել է իր «Truth Social» հաշվում անցած հոկտեմբերին՝ ԱՄՆ նախագահական քարոզարշավի եռուն շրջանում, հիշեցնում է ամերիկյան Newsweek պարբերականը:

Հոդվածում նշվում է, որ ի տարբերություն Թրամփի այլ հայտարարությունների, որոնք հաճախ կարող են հակասել տրամաբանությանը և բարոյականությանը, նրա գնահատականը, թե ինչ է կատարվում հայ ժողովրդի հետ, միանշանակ ճիշտ է։ «Ադրբեջանը վերջին չորս տարիներին փորձում է ոչնչացնել Հայաստանը և նրա գոյությունը Հարավային Կովկասում։
«Այն սկսվեց 2020 թվականի աշնանը, երբ ապօրինի և հրահրման համար ոչ մի առիթ չտված պատերազմ սանձազերծեց Հայաստանի դեմ Լեռնային Ղարաբաղի (Արցախի) վիճելի տարածքի համար և ավարտվեց, երբ տարածաշրջանից էթնիկապես զտեց ավելի քան 120 հազար հայերի, ինչը դարձավ հայերի խոշորագույն տեղաշարժը 1915 թվականի Հայկական ցեղասպանությունից ի վեր», -գրում է պարբերականը, շեշտելով, որ տարածքը գրավելուց ի վեր՝ Ադրբեջանը սկսել է հազարավոր տարիներ պահպանված հայկական եկեղեցիների, վանքերի, խաչքարերի և այլ պատմական վայրերի մշակութային ոչնչացման շարունակական արշավը։

Հեղինակի կարծիքով՝ Բաքվից հնչող հռետորաբանությունն առանձնապես տագնապալի է: Վերջին ելույթներում Ադրբեջանի նախագահ Իլհամ Ալիևը կեղծ պնդումներ է արել,  թե Հայաստանն իր պատմական հողն է՝ այն «Արևմտյան Ադրբեջան» անվանելով։ Սա հաջորդում է ատելության հռետորաբանության անհանգստացնող սխեմային, որտեղ նավթով հարուստ բռնապետը նմանատիպ ռևանշիստական ​​փաստարկներ է ներկայացրել և նույնիսկ հայտարարել, թե Հայաստանի մայրաքաղաք Երևանը պատկանում է Ադրբեջանին:

«Մենք տեսել ենք՝ ինչպես է այդ ատելությունը դրսևորվում հայ ռազմագերիների նկատմամբ դաժան վերաբերմունքում, խոշտանգումներում և գերի հայ զինվորների ուղղակի մահապատժի մեջ», - նշում է պարբերականը՝ հավելելով, որ այս տարվա սկզբին Ադրբեջանն սկսել է իր կեղծ դատավարությունները հայ քաղբանտարկյալների, նրանց թվում՝ բարերար և Լեռնային Ղարաբաղի նախկին պետնախարար Ռուբեն Վարդանյանի նկատմամբ, չնայած այն հանգամանքին, որ իրավապաշտպանները հայտարարել են նրանց անմեղության մասին։

Հոդվածագիրը նշում է, որ այս բոլոր հանցագործությունները և մարդու հիմնական իրավունքների ոտնահարումները տեղի են ունեցել Սպիտակ տան աշխատակազմի նախկին ղեկավար Ջո Բայդենի նախագահության օրոք։ Նախագահի համար, որը եկել է իշխանության՝ հայտարարելով, թե մարդու իրավունքները լինելու են իր արտաքին քաղաքականության կիզակետում, իր ռազմական հանցագործությունների և վայրագությունների համար Ադրբեջանին պատասխանատվության ենթարկելու Բայդենի անընդունակությունը բիծ կդառնա նրա ժառանգության վրա:

Նրա լռությունն ու անտարբերությունը մեծ հաշվով Ադրբեջանին անպատիժ գործելու կանաչ լույս են տվել։ Պարբերականն ընդգծում է, որ հենց այդ պատճառով էլ նախագահ Թրամփը բացառիկ հնարավորություն ունի անելու այն, ինչ չի կարողացել անել նախագահ Բայդենը՝ պատասխանատվության ենթարկել Ադրբեջանին։ Նախ, ըստ Newsweek-ի, Թրամփը կարող է աջակցել Ազատության աջակցության ակտի 907-րդ կետին, որն արգելում է ցանկացած արտաքին օգնություն Ադրբեջանի կառավարությանը։

ԱՄՆ նախագահը կարող է շարունակել Հայոց ցեղասպանության ճանաչման ուղղությամբ ԱՄՆ քաղաքականությունը, որը պաշտոնապես ճանաչում է 20-րդ դարի առաջին ցեղասպանությունը, որը մինչ օրս հերքում են Թուրքիան և Ադրբեջանը։ Թրամփը կարող է պահանջել անհապաղ ազատ արձակել բոլոր հայ բանտարկյալներին, ներառյալ ռազմագերիներին, որոնք ներկայում պահվում են ադրբեջանական բանտերում։

Դոնալդ Թրամփը կարող է ավելի շատ թափանցիկություն և անձնական ներգրավվածություն ներմուծել խաղաղության գործընթացում: ԱՄՆ նախագահը կարող է ճնշում գործադրել Ադրբեջանի վրա՝ ստիպելով դադարեցնել հայկական հնությունների և սրբավայրերի կրոնական հալածանքները Արցախում և դատապարտել պատմական ռևիզիոնիզմի բոլոր ձևերը, որոնք կարող են օգտագործվել որպես պատրվակ ապագայում հայկական ինքնիշխանության դեմ հարձակումների համար։

ԱՄՆ նախագահը կարող էր պահանջել ադրբեջանական զորքերի դուրսբերումը Հայաստանից և հայերի վերադարձը Արցախ։ «Նախագահ Թրամփը հայտարարել է, որ ցանկանում է իր երկրորդ ժամկետի ընթացքում խաղաղարար դառնալ և վերջ տալ բոլոր պատերազմներին»: «Նա կարող է սկսել՝ կատարելով Ադրբեջանին պատասխանատվության ենթարկելու իր նախընտրական խոստումը և նման կերպ դադարեցնել Բաքվի բռնությունը հայ ժողովրդի նկատմամբ։ «Առանց պատասխանատվության խաղաղություն չի կարող լինել»,- գրում է ամերիկյան պարբերականը։

https://iravunk.com/sim/?p=305734&l=am/
Սպասում եմ Հայկ Բաբուխանյանին Գյումրիում․ Վարդան Ղուկասյանը արձագանքում է Ռ. Միրոշնիկը այցելեց «Իրավունք Մեդիա» հոլդինգ ՈՒՂԻՂ. Հայաստանի ազատագրումը սկսենք Գյումրիից.Հայկ Բաբուխանյան 15 հազար դրամ տուգանքը կամայական եւ քմահաճ որոշում է. Աշոտ Նուրիջանյան Ինչ ճակատագիր կունենա «Եվրաքվեն» (տեսանյութ) Այլ երկրում Հայ առաքելական եկեղեցու համար ստեղծում են պայմաններ, իսկ մեր երկրում հետապնդում են Ոչ մեկի մտքով չի անցնում հարձակվել Բելառուսի վրա, որովհետև նա ՌԴ ի հետ միութենական պետության մեջ է ՑԱՎԱԿՑԱԿԱՆ «ՈՒԺԵՂ ՀԱՅԱՍՏԱՆԸ ՌՈՒՍԱՍՏԱՆԻ ՀԵՏ. ՀԱՆՈՒՆ ՆՈՐ ՄԻՈՒԹՅԱՆ» ՇԱՐԺՈՒՄԸ ԴԱՏԱՊԱՐՏՈՒՄ Է ՆԻԿՈԼԻ ԿԱՌԱՎԱՐՈՒԹՅԱՆ ՈՐՈՇՈՒՄԸ Պահանջում ենք դատական կարգով առ ոչինչ հայտարարել Նիկոլ Փաշինյանի հայտարարությունները, որտեղ Արցախը նշվում է Ադրբեջանի կազմում Հայ-չինական հարաբերությունները ունեն զարգացման մեծ ներուժ Նիկոլ Փաշինյանի թրաշվելը ազդարարեց Հայաստանի կործանման վերջին փուլը. ՀԱՅԿ ԲԱԲՈՒԽԱՆՅԱՆ Վլադիմիր Պուտինը Հայկ Բաբուխանյանին պարգեւատրել է Կայացավ երրորդ ուժի ձևավորմանը նվիրված համաժողովը ՈՒՂԻՂ․ Ով է իր մուռը հանում Անկախության հռչակագրից․ Հայկ Բաբուխանյան ՍԻՄ կուսակցությունը ցավակցում է Արտաշես Գեղամյանի մահվան կապակցությամբ ՈՒՂԻՂ․ Թեժ աշուն սորոսականների հե՞տ Իրականում Եվրամիություն գնալը ճանապարհ է դեպի Թուրքիա. Հայկ Բաբուխանյան «Դուք որպես ժայռաբեկոր կանգնած եք այդ ճանապարհին, որպեսզի թույլ չտաք սրիկային, սատանայական ուժերին քանդել այն» Խստիվ դատապարտում ենք ապօրինի վարչախմբի վարքագիծը Սվինների վրա հիմնված ոստիկանապետությունը շուտով փլվելու է ՍԻՄ կուսակցության հայտարարությունը երկրում ստեղծված իրավիճակի վերաբերյալ ՍԻՄ նախագահը ընդունեց ՀՀ-ում Բելառուսի դեսպանատան խորհրդականին Հայկ Բաբուխանյան «ֆեմինիզմը, դա քայքայիչ աղանդ է...» Ուր կհասնի հրաժարականների շարքը․ Հաֵյկ Բաբուխանյան