Ռուսաստանն ու ԱՄՆ-ն պայմանավորվել են ապահովել երկու երկրների դեսպանների շուտափույթ նշանակումը․ Լավրով

Ռուսաստանն ու ԱՄՆ-ը պայմանավորվել են ապահովել երկու երկրների դեսպանների շուտափույթ նշանակումը: Այս մասին Էր Ռիադում ԱՄՆ ներկայացուցիչների հետ բանակցություններից հետո հայտարարել է ՌԴ ԱԳ նախարար Սերգեյ Լավրովը։

«Պայմանավորվածությունները, որոնք մենք ձեռք ենք բերել. առաջինը, և, հավանաբար, ամենահրատապը և, իհարկե, ոչ ամենադժվարը, ԱՄՆ-ում Ռուսաստանի դեսպանի և Ռուսաստանում ԱՄՆ-ի դեսպանի շուտափույթ նշանակումն ապահովելն է», - ասել է նա։

Արտգործնախարարը նշել է, որ երկու երկրների դեսպանատների աշխատանքի առնչությամբ անհրաժեշտ է վերացնել նախագահ Ջո Բայդենի վարչակազմի ժամանակ առաջացած խոչընդոտները։ Այս խնդիրների լուծումը կքննարկվի առաջիկայում։

Հանդիպմանը քննարկվել է ոչ միայն ԱՄՆ-ի և Ռուսաստանի միջև համագործակցությունն ամբողջությամբ վերսկսելու, այլև այն ընդլայնելու տարբեր ոլորտներում՝ և՛ տնտեսական, և՛ աշխարհաքաղաքական (այսինքն՝ գլոբալ հակամարտությունների գոտիներում), նշել է Լավրովը։

Այս թեմայով Թրամփը երկու անգամ խնդրել է Պուտինին` Զելենսկու սադրանքներից հետո «Օրեշնիկ» չօգտագործել ԱՄՆ-ը և Իրանը պայմանավորվել են անցնել բանակցությունների հաջորդ փուլ Մեդվեդեւ. Այդ ժամանակ Ռուսաստանն արագ բոլոր հարցերը կլուծի Իրանի և ԱՄՆ-ի միջև հիմնական միջնորդը իրականում Ռուսաստանն է. Իրանական աղբյուր Մոսկվան հիանալի հասկանում է՝ ինչ տեսք ունի ԱՄՆ-ի հետ գործարքը, որը դեպի ծուղակ է տանում․ Լավրով