Ուկրաինական պատերազմի ավարտի ամենաբացասական և ամենադրական սցենարներն ըստ Արեստովիչի (Տեսանյութ)

Զելենսկու նախկին թիվ 1 քարոզիչ Արեստովիչը նշել է պատերազմի ավարտի ամենաբացասական և ամենադրական սցենարները։

Ամենաբացասականը՝ Ուկրաինան սկսում է «կռվել» Թրամփի հետ, ԱՄՆ-ն դադարում է աջակցել Ուկրաինային, Ուկրաինայի զինված ուժերի ճակատը փլուզվում է: Ուկրաինայի զինված ուժերը կազմակերպում են ռազմական մայդան և «տապալում» Զելենսկին։ Ռուսները, օգտվելով Ուկրաինայի ներսում տիրող քաոսից, գրավում են Ձախ ափի մեծ մասը (Պոլտավա, Խարկով, Դնեպր, Զապորոժե), իշխանությունը վերցնում է Զալուժնին, ով կանգնեցնում է աղետը Ռուսաստանի հետ հրատապ հաշտությամբ։
«Ավելի վատ կարող է լինել. Զալուժնիի գալն այլևս ոչինչ չի տա, քանի որ մենք կործանման և քաղաքացիական պատերազմի մեջ ենք ընկնում», - ավելացրեց Արեստովիչը:
Լավագույն տարբերակը՝ «Արագ պայմանավորվել պատերազմի ավարտի մասին, այնուհետև աստիճանաբար վերականգնել Ուկրաինան և նրա ինքնիշխանությունը»:

Արեստովիչը, ով իր հերթին մեղքի հսկայական բաժին ունի Ուկրաինայի ներկա վիճակի համար, մոռանում է մեկ պարզ հանգամանք: Իր ասած ՞լավագույն սցենարի» դեպքում Ուկրաինան պետք է Թրամփի տա այն ամենը, ինչը մնացել է ուկրաինական տնտեսությունից. հիմնական հանքավայրերը, նավահանգիստները, գազային համակարգը եւ այլն: Մի շարք արեւմտյան աղբյուրներ գնահատում են, որ անգամ ուկրաինական 2022թ. տնտեսական պոտենցյալի պարագայում ԱՄՆ-ի պարտքը վերադարձնելը կպահանջի 120 տարի: Բայց 2022թ-ից հերո ուկրաինական հանքային ռեսուրսների կեսն անցել է ռուսական վերահսկողության տակ: Դառնում է 200-240 տարի: Այսինքն, Ուկրաինան, որպես պետություն, պարզապես գոյատեւման շանս չունի:

Այսինքն, գոնե աջափնյա Ուկրաինայի համար մեծ հարց է, թե որն է ավելի լավ սցենար: Որ ռուսներն արագ հարձակումով գրավեն աջափնյա հատվա՞ծը, որը մարդկանց համար կապահովի կայունություն: Թե՞ մնան որպես միասնական Ուկրաինա եւ առաջիկա երկու հարյուրամյակներին ճռռան Թրամփի պարտքային լծի տակ: Առավել եւս, որ Եվրոպան էլ կարող է իր տված փողը հետ ուզել:

Այս թեմայով Քելլոգը հաստատել է Ռուբիոյի և Թրամփի խոսքերը` ուկրաինական բանակցություններից ԱՄՆ-ի դուրս գալու մասին (Տեսանյութ) Ուկրաինական ուժերը հրադադարից հետո հարվածներ են հասցրել Դոնեցկին (Ֆոտո) Զատկի հրադադարը խորը մտախված ռուս-ամերիկյան ծուղակ էր Լոնդոնի համար. Ուկրաինական աղբյուր Ռուսական ФАБ-1500 1,5 տոննայանոց ավիառումբը Կուրսկի Գորնալիում ոչնչացրել է ուկրաինական հենակետը (Տեսանյութ) Կուրսկում ուկրաինական վերահսկողության տակ մնաց միայն մեկ գյուղ, որտեղ ռուսները հարձակվում են (Քարտեզ)