Ուկրաինան խնդրել է ԱՄՆ-ին թույլ տալ զենք գնել ռուսական ակտիվների միջոցով․ Bloomberg

Ուկրաինայի պաշտոնյաները խնդրել են ԱՄՆ իշխանություններին թույլ տալ իրենց օգտագործել 300 միլիարդ դոլարի սառեցված ռուսական ակտիվները ամերիկյան արտադրության զենք գնելու համար:

«Ուկրաինացի պաշտոնյաները խնդրել են Թրամփի վարչակազմին թույլատրել իրենց օգտագործել 300 միլիարդ դոլարի սառեցված ռուսական ակտիվները՝ ամերիկյան արտադրության զենք գնելու համար», - գրում է Bloomberg-ը:

Գործակալության զրուցակիցները նշել են, որ ակտիվները բռնագրավելու և ամերիկյան զենք գնելու համար դրանք օգտագործելու գաղափարը բարձրացվել է Ուկրաինայի, նրա որոշ դաշնակիցների և ԱՄՆ նախագահ Դոնալդ Թրամփի թիմի միջև վերջին շաբաթների ընթացքում մի քանի հանդիպումների ժամանակ։ Աղբյուրներից մեկը նշել է, որ այդ գաղափարն առաջարկվել է նաև ուղղակիորեն Թրամփին, սակայն, ըստ նրա, որևէ նշան չկա, որ նախագահը սատարում է առաջարկը։

Ըստ աղբյուրների՝ Ուկրաինայի որոշ դաշնակիցներ կրկին սկսել են առաջարկել ռուսական ակտիվների առգրավում ԱՄՆ նոր վարչակազմի գալուստով։
Ըստ անանուն եվրոպացի դիվանագետի՝ եվրոպացիները կարող են օգտագործել սառեցված ակտիվների հարցը Ուկրաինայի կարգավորման հնարավոր բանակցություններում՝ հաշվի առնելով, որ դրանց մեծ մասը գտնվում է Եվրոպայում, նշում է գործակալությունը։ Աղբյուրները հավելում են, որ մի շարք եվրոպական երկրներ դեռևս դեմ են ակտիվների զրկմանը:

ՌԴ ԱԳՆ-ն բազմիցս գողություն է անվանել Եվրոպայում ռուսական ակտիվների սառեցումը` նշելով, որ ԵՄ-ն թիրախավորում է ոչ միայն ֆիզիկական անձանց, այլև ռուսական պետական ​​ակտիվները: Ռուսաստանի արտգործնախարար Սերգեյ Լավրովը հայտարարել է, որ Մոսկվան կպատասխանի Արևմուտքի կողմից սառեցված ռուսական ակտիվների բռնագրավմանը։ Նրա խոսքով, Ռուսաստանի Դաշնությունը նույնպես հնարավորություն ունի չվերադարձնել այն միջոցները, որոնք արևմտյան երկրները պահում էին Ռուսաստանում։

Ռուս-ուկրաինական պատերազմի մեկնարկից հետո ԵՄ-ն և G7 երկրները սառեցրել են Ռուսաստանի արժութային պահուստների գրեթե կեսը՝ մոտավորապես 300 միլիարդ եվրո։ Ավելի քան 200 միլիարդ եվրո գտնվում է ԵՄ-ում, հիմնականում՝ բելգիական Euroclear-ում, որը աշխարհի խոշորագույն հաշվարկային համակարգերից մեկն է:

Այս թեմայով ԱՄՆ-ն ակնկալում է «զգալի առաջընթաց» Ուկրաինայում խաղաղության հարցում․ Bloomberg Bloomberg-ի նախկին մենեջերին մահացած են գտել իր տանը. Նրա հետ միասին հայտնաբերել են կնոջ և 9-ամյա դստեր մարմինները Թրամփի վարչակազմի դեմ ավելի քան 150 հայց է ներկայացվել․ Bloomberg Էրդողանը ձգտում է հանդիպել Թրամփի հետ Սպիտակ տանը ապրիլի վերջին. Bloomberg Մեծ Բրիտանիան և Ֆրանսիան պլան են մշակում Ուկրաինայի համար․ Bloomberg