Ուկրաինան կարող է Ռուսաստան դառնալ․ Թրամփ

ԱՄՆ նախագահ Դոնալդ Թրամփը հայտարարել է, որ Ուկրաինան պետք է երաշխավորի երկրում ներդրված ամերիկյան միջոցների անվտանգությունը, քանի որ երկիրը «մի օր կարող է դառնալ Ռուսաստան»։

«Նրանք հսկայական արժեք ունեցող հողեր ունեն հազվագյուտ մետաղների, նավթի, գազի և այլնի պաշարներով։ Ես ուզում եմ, որ մեր փողերը ապահով լինեն։ Որովհետև մենք ծախսում ենք հարյուրավոր և հարյուր միլիարդավոր դոլարներ։ Նրանք կարող են գործարք կնքել, կարող են չկնքել: Նրանք կարող են մի օր դառնալ Ռուսաստան, կարող են չդառնալ Ռուսաստան»,- ասել է Թրամփը Fox News-ին տված հարցազրույցում։

Ինչպես հայտարարել է Թրամփը, ԱՄՆ-ն Ուկրաինային է փոխանցում ներդրված միջոցները վերադարձնելու անհրաժեշտության վերաբերյալ իր դիրքորոշումը։

«Ես ուզում եմ, որ դրանք վերադառնան։ ԱՄՆ-ն ավելի քան 300 միլիարդ դոլար է ներդրել, գուցե 350 միլիարդ դոլար, Եվրոպան ներդրել է 100 միլիարդ դոլար, մենք երկու անգամ ավելի ենք ներդրել»,- ասել է նա։

Միաժամանակ, Թրամփը ուղղակիորեն չի պատասխանել այն հարցին, թե արդյոք շարունակվում են զենքի մատակարարումները Ուկրաինային։

Այս թեմայով Մի քաջալերեք շատախոսությունը. Հայտնի փաստաբանի հայտարարությունը Հայտնի է դարձել՝ ինչ կարող է խնդրել Թրամփը Էրդողանից Իրանի դեմ հակամարտությունում Ուիտկոֆը կարող է Ռուսաստան գալ Լոնդոնում բանակցություններից հետո. The Wall Street Journal Ռուսաստանը և Ուկրաինան կարող են համաձայնության գալ առաջիկա շաբաթ. Թրամփ Ուկրաինան պետք է պատրաստ լինի տարածքային զիջումների. Լորդերի պալատի անդամ