Վրաստանը կշարունակի իր պրագմատիկ քաղաքականությունը Ռուսաստանի հանդեպ. Կոբախիձե

Վրաստանի վարչապետ Իրակլի Կոբախիձեն Ռուսաստանի հետ դիվանագիտական ​​հարաբերությունների վերականգնման հնարավորություն չի տեսնում և պնդում է, որ Մոսկվան խախտում է հանրապետության տարածքային ամբողջականությունը։ Այս մասին քաղաքական գործիչը հայտարարել է Euronews-ին տված հարցազրույցում։

«Մենք չունենք դիվանագիտական ​​հարաբերություններ [Ռուսաստանի Դաշնության հետ] և չկա տարածություն դիվանագիտական ​​հարաբերությունները վերականգնելու համար <...> Աբխազիայի և Ցխինվալի այսպես կոչված՝ անկախության ճանաչման պատճառով։ Բայց մենք պրագմատիկ քաղաքականություն ենք վարում, և դա մեր քաղաքականության հիմնական բաղադրիչն է Ռուսաստանի հետ հարաբերություններում»,- ասել է Կոբախիձեն։

Չնայած դիվանագիտական ​​հարաբերությունների բացակայությանը, Կոբախիձեն ընդգծել է Ռուսաստանի հետ Վրաստանի տնտեսական և առևտրային համագործակցության շարունակությունը՝ հայտնելով ապագայում էլ այդ մոտեցումը պահպանելու իր մտադրության մասին։

Տարածքային ամբողջականության հարցում վարչապետը նշել է ուժային լուծման անընդունելիության մասին՝ ընդգծելով բացառապես խաղաղ կարգավորման անհրաժեշտությունը։

Այս թեմայով Վրաստանից կրած պարտությունից հետո, Հայաստանում թեթեւ սուգ էր. Տիկնիզյան Վրաստանը միշտ դրական դեր է խաղացել Հարավային Կովկասում խաղաղության հաստատման գործում. Կոբախիձե Վրաստանն ընդունել է օտարերկրյա գործակալների մասին օրենքի ամերիկյան տարբերակը Չգիտեմ՝ մենք լավ խաղացինք, թե հակառակորդը՝ վատ, բայց առաջին խաղակեսից նման հաճույք ես դեռ չէի ստացել. Գուրամ Կաշիա Վրաստանի հավաքականի երկրպագուները տարբեր իրեր են նետել հայ երկրպագուների ուղղությամբ(տեսանյութ)