Զելենսկին մտադիր չէ Ուկրաինայի հանքային ռեսուրսները տալ Թրամփին. Reuters

Զելենսկին ասել է, որ մտադիր չէ ուկրաինական հանքային ռեսուրսները տալ Թրամփին կամ այլ արևմտյան գործընկերներին, միակ տարբերակը դրանք համատեղ զարգացնելն է «սերտ գործընկերության մեջ»: Այս մասին նա հայտարարել է Reuters-ին տված հարցազրույցում։

«Սա շատ հարուստ երկիր է։ Սա չի նշանակում, որ մենք դա տալու ենք որեւէ մեկին, նույնիսկ ռազմավարական գործընկերներին։ Մենք խոսում ենք գործընկերության մասին... Եկեք միասին զարգացնենք սա, փող աշխատենք, և որ ամենակարեւորն է, դա վերաբերում է արևմտյան աշխարհի անվտանգությանը»,- ասել է Ուկրաինայի նախագահը։

Նրա խոսքով, ներդրումային մոդելները կարող են տարբեր լինել. «Գործընկերները պայմանավորվում են, թե ինչպես են ներդրումներ կատարելու: Երբեմն դա 50/50 է, եթե կան երկու գործընկերներ: Միգուցե երեք-չորս... ԱՄՆ-ն առաջինն էր, մենք առաջինն էինք, որ կիսվեցինք նրանց հետ այս պլանով»,- ասել է Զելենսկին։

Իրականությունն այն է, որ ուկրաինական ռեսուրսները պարռքի դիմաց վերցնելու մասին Թրամփի հայտնի հայտարարությունը մեծ աղմուկ է բարձրացրել Ուկրաինայում: Հիմնական թեման այն է, թե հերիք չէ, մեզ գողոցիկ խոստումներով մղեցին պատերազմի, այսքան կորուստներ ունեցենք, եւ հիմա պարզվում է, որ այդ ամենի իրական նպատակը Ուկրաինան թալանելու հնարավորություն ստեղծելն էր: Աղբյուրներից մեկն էլ ավելի առաջ է գնում. «Բայց չէ՞ որ սա այն է, ինչի մասին մեզ այդքան զգուշացնում էր Ռուսաստանը: Ուրեմն ի՞նչ, Պուտինը ճի՞շտ է»: Իսկ թե ուր կտանեն նման խոսակցությունները, երբ Ուկրաինայում USAID-ի լուծարման պատճառով արեւմտամետ քարոզչամեքենան «փչացել» է, ո՞վ իմանա: Ու Զելենսկին էլ ստիպված է հրաժարվել իր նախլին խոստումնեչօց, թե` դրսի ֆինանսավորման դիմաց կվճարեն հանքերով:

Այս թեմայով Թրամփը հոգնել է Ուկրաինայի հակամարտությունից․ Քելլոգ Ռադայի պատգամավորը հայտնել է Ուկրաինայի պարտության ժամկետը Իրական ռազմավարությունը, որը կա ՌԴ-ի Զատիկի հրադադարի հետևում, կարող է Թրամփին ռուսամետ դարձնել. CNN Ուկրաինայի զինված ուժերին հրաման է տրվել դադարեցնել կրակը. BBC Առաջիկա շաբաթներին հնարավոր են կրիտիկական փոփոխություններ Ուկրաինայի շուրջ. Ռուսական աղբյուր