Փորձելու ենք հասնել «երկաթբետոնե» միջազգային իրավական երաշխիքների, որոնք կբացառեն Ուկրաինայի անդամակցությունը ՆԱՏՕ-ին. ՌԴ ԱԳՆ

Միջազգային 24 Հունվար, 2025 14:20

ՆԱՏՕ-ին անդամակցելուց Ուկրաինայի հրաժարումը Ռուսաստանի համար հակամարտությունը կարգավորելու առանցքային տարրերից մեկն է, Մոսկվան կձգտի ապահովել, որ դա դառնա նաև դաշինքի քաղաքականությունը. այս մասին, interfax.ru-ի փոխանցմամբ, «Ռոսիա-24» հեռուստաալիքին ասել է ՌԴ փոխարտգործնախարար Ալեքսանդր Գրուշկոն։

Նա ընդգծել է, որ Ուկրաինայի հնարավոր անդամակցությունը ՆԱՏՕ-ին բացառում է խաղաղության հասնելը:

«Մեզ համար դա ուկրաինական հակամարտության կարգավորման հնարավոր համաձայնագրի առանցքային տարրերից մեկն է: Այն հակամարտության արմատական պատճառների վերացման հետ կապված տարր է, և մենք փորձելու ենք հասնել ոչ միայն երկաթբետոնե միջազգային իրավական երաշխիքների, որոնք կբացառեն Ուկրաինայի անդամակցությունը ՆԱՏՕ-ին ցանկացած ձևով, այլև պնդելու ենք, որ դա դառնա նաև բուն դաշինքի քաղաքականությունը»,- ասել է փոխնախարարը։

Գրուշկոն ՆԱՏՕ-ի Բուխարեստի գագաթնաժողովի որոշումը, որում ամենաբարձր մակարդակով ամրագրվել է ՆԱՏՕ-ի՝ Ուկրաինային և Վրաստանին ընդունելու մտադրությունը, «աղետալի է եվրոպական անվտանգության համար»։

https://iravunk.com/sim/?p=303689&l=am/

Այս թեմայով

Թրամփը հոգնել է Ուկրաինայի հակամարտությունից․ Քելլոգ

Ռադայի պատգամավորը հայտնել է Ուկրաինայի պարտության ժամկետը

Օդեսայի գրավումը Ռուսաստանի գլխավոր ռազմավարական նպատակն է. ՆԱՏՕ-ի նախկին հրամանատար

Ուկրաինայի զինված ուժերին հրաման է տրվել դադարեցնել կրակը. BBC

Առաջիկա շաբաթներին հնարավոր են կրիտիկական փոփոխություններ Ուկրաինայի շուրջ. Ռուսական աղբյուր