Ո՞վ է բանտախուցը կիսում Արկադի Ղուկասյանի հետ․ գերիներն այսօր տուն են զանգահարել

Երկար ժամանակ իր իսկ ցանկությամբ հայրս Բաքվից Կարմիր խաչի միջոցով տեսագրություններ չէր ուղարկում, ասում էր՝ «ի՞նչ իմաստ կա, ամեն չորեքշաբթի խոսում եմ, դա էլ է բավական»,- MediaHub-ի հետ զրույցում ասաց Արցախի Ներքին Սզնեք գյուղից գերեվարված Մելիքսեթ Փաշայանի դուստրը՝ Զարինեն։

Օրերս Բաքվից հրապարակված դատավարության կադրերում տեսել են Մելիքսեթին։ Դստեր խոսքով՝ ի համեմատ մյուսների՝ հոր տեսքը վատ չի եղել։ Իսկ Բաքվից այսօր Մելիքսեթից հերթական զանգն են ստացել։

«Բաքուն այս ավանդույթը չի խախտում և մենք գոնե կարողանում ենք լսել մեր հարազատի ձայնը։ Քիչ առաջ ենք խոսել, ասում է, որ լավ է, ու ինչպես և մենք, ինքը ևս սպասում է դատավարության ավարտին, որը չգիտենք երբ կլինի։ Բայց հորս խոսքով՝ այն դեռ կշարունակվի առաջիկա 3 ամիսներին»,-նշեց Զարինե Փաշայանը։

Մելիքսեթ Փաշայանն իր 3 համագյուղացիների հետ գերեվարվել է Ասկերանի վերին ենթաշրջանից և արդեն մեկ տարուց ավելի է գտնվում է ադրբեջանական բանտում՝ Արցախի առաջին նախագահ Արկադի Ղուկասյանի հետ միևնույն խցում։

«Մեր ընտանիքը մեծ հույս ունի, որ դատավարությունը կավարտվի և հայրս կմիանա մեր ընտանիքին։ Ոչ միայն ակնկալում եմ, որ այդպես կլինի, այլ վստահ եմ։ Շատ ենք կարոտել»,-եզրափակեց դուստրը։

Հիշեցնենք, որ 2023 թվականի սեպտեմբերյան ագրեսիայի ժամանակ, երբ Ներքին Սզնեքը տարհանելու խնդիր է եղել, Մելիքսեթի հարազատ եղբորը՝ հաշմանդամություն ունեցող Մավրիկ Փաշայանին և համագյուղացի Նվարդին ադրբեջանցիները բռնել են Կարմիր գյուղի անտառներում, վիրավորել հրազենից, տեղափոխել Շուշի ու մի քանի օր շարունակ ծեծի ենթարկել։ Ավելի ուշ Մավրիկն ու Նվարդը հանձնվել են հայկական կողմին։ Սակայն, սզնեքցի 4 տղամարդու՝ Գարիկ Մարտիրոսյանին, Մելիքսեթ Փաշայանին, Դավիթ Ալավերդյանին ու Գուրգեն Ստեփանյանին Ադրբեջանը գերեվարել ու տեղափոխել է Բաքու։

Այս թեմայով Նոր Նորք վարչական շրջանի ղեկավարը զանգահարել և սպառնացել է ինձ. Արթուր Չախոյան ՇՏԱՊ.Մեքենաների շարժը կանգնած է Իսակովի պողոտայում, հայտնի է պատճառը Հաճախ այնպես են էժանացնում այս կամ այն դեմքերն ու դեպքերը, որ ստիպված ես գնալ սկզբնաղբյուր ու բարցրաձայնել, որ սա կով է, կաթ է տալիս, սա տուն է, այստեղ ապրում են, սա եկեղեցի է, Աստծո տուն է. Հայտնի փաստաբան Վրաստանի նախագահն այսօր կժամանի Երևան Ով է իրականում Ռոզա Դավթյանի ամուսինը