Ռուս-իրանական համաձայնագրում ռազմական գործակցության հարցը մի փոքր մեղմվել է Թրամփից եկած ազդակների արդյունքում. Ռուսական աղբյուր

Ռուսական տեղեկացված աղբյուրը հայտնում է, որ ռուս-իրանական ռազմավարական համաձայնագրում կողմերից մեկի ավտոմատ ռազմական միջամտություն մյուսի մոտ առաջացող հակամարտության դեպքում մի փոքր մեղմվել է երկկողմ պայմանավորվածությամբ` ԱՄՆ-ից եկած ազդակները հաշվի առնելով։

«Նախ, Ռուսաստանն այս փուլում պատրաստ չէ ներգրավվել պոտենցիալ մերձավորարևելյան պատերազմի մեջ։ Նաև, կա ուկրաինական հակամարտությունը, եւ Իրանին մեխանիկորեն այդ պայմանագրով պատերազմի մեջ ներքաշելը եւս այս պահին նպատակահարմար չէ: Այն իմաստով, որ նաեւ Թրամփի թիմից են եկել հստակ ազդակներ, որ խոշոր բանակցություններից առաջ իրողություններն այդ կտրուկ քայլերով փոխելը հենց այդ բանակցությունենրի համար կարող են որոշակի խոչնդոտ դառնալ: Այն է` ՀՌՕ Իրանի մեխանիկական ներքաշումը Թրամփին հակառակորդ ներամերիկյան թիմի համար ընդդեմ ռուս-ամերիկյան բանակցությունների քարոզարշավի համար պարարտ հող կդառնա, որին անիմաստ պետք չէ գնալ: Իրանի պարագայում էլ Թրամփից եկել է առաջարկ` բանակցել նոր միջուկային պայմանագրի ուղղությամբ, եւ այս հարցում էլ կարող է ռուսների ռազմական ներգրավվածությունը նորից քարոզչական իմաստով խնդիր դառնալ:

Այսինքն, ռազմական պարտադիր օգնության նորմը Թրամփի համար դառնում էր խոչնդոտ` նման արմատական դրույթ Մոսկվայի եւ Թեհրանին պարտադրող իրողությունների շուրջ բանակցային լուծումներ գտնելու համար: Իսկ եթե նման լուծումներ գտնվեն, պայմանագրային նման նորմը պարզապես կորցնում է իր արդիականությունը:

Այսիքն, երեք կողմին էլ այս պահին ձեռնտու է իրար ավելորդ չնյարդայնացնել: Բայց նաեւ, իրավիճակը դեռ կարող է փոխվել: Եթե ​​Թրամփի թիմը ո´չ Կրեմլին, ո´չ Իրանին չառաջարկի ընդունելի լուծումներ` ճգնաժամերի կարգավորման համար, ռազմական համագործակցության գործոնը կրկին կարող է գերիշխող դառնալ ռուս-իրանական հարաբերություններում, եւ այս անգամ` առանձին պայմանագրի տեսքով: Առավել եւս, որ նվազագույն հիմքերը ռազմավարական համաձայնագրում արդեն կան: Խոսքը ռուս-իրանական մասշտաբային ռազմական համագործակցության, պատերազմների դեպքում ոչ մի կերպ իրար դեմ հանդես չգալու, եւ, ընդհակառակը, միջազգային հարթակում իրաի օգնելու, հետախուզությունների համագործակցելու եւ նման այլ թեզերի մասին է»:

Այս թեմայով Ադրբեջանում օրեցօր մեծանում է վահաբիստների ազդեցությունը. Իրանական աղբյուր Ռուսական «Герань» անօդաչուների տասնյակ պայթյուններ են տեղի ունեցել Օդեսայում Ինչ կլինի Ուկրաինայի հետ, եթե ​​ԱՄՆ-ը դադարեցնի ռազմական օգնությունը. Բրիտանացի ռազմական փորձագետ Կիեւը եւ Լոնդոնը համակարգում են ռազմական գործողությունները` ուղղված Թրամփ-Պուտին գագաթնաժողովը ձախողելուն Ուկրաինական ուժերը հրադադարից հետո հարվածներ են հասցրել Դոնեցկին (Ֆոտո)