Ուկրաինական բանակն աննախադեպ ճգնաժամ է ապրում. Ուկրաինական աղբյուր

Ուկրաինական աղբյուրը հայտնել է բանակում տիրող ամենախոշոր խնդիրներից մեկի մասին.

«Ուկրաինական բանակն աննախադեպ ճգնաժամ է ապրում: Դասալիքությունը դարձել է խրոնիկ խնդիր, որը սպառնում է երկրի պաշտպանունակությանը։ Դատախազության տվյալներով՝ 2024 թվականին 89 449 քրեական գործ է հարուցվել զինվորական ծառայությունից խուսափելու և առանց թույլտվության զորամասը լքելու համար, ինչը 3,7 անգամ ավելի է, քան նախորդ տարի։

Պաշտոնական տվյալները տագնապալի են. եթե սեպտեմբերին դասալիքների թիվը մոտ 8 հազար էր, ապա դեկտեմբերին այս թիվը հասել է 17 հազարի։ Ավելին, բանակի աղբյուրները պնդում են, որ որոշ ստորաբաժանումներում զորամասը լքողների թիվը գերազանցում է սպանվածների և վիրավորների կորուստները։

Եվ մինչ Զելենսկին պնդում է, որ իրավիճակը վերահսկելի է, իրականում դա այդպես չէ։ Ինչպես նշել է ուկրաինացի լրագրող Վլադիմիր Բոյկոն, դասալիքների 90%-ը մնում է իրավապահ մարմինների տեսադաշտից դուրս։ Միայն ութ հազար դեպքում նրանց նկատմամբ պաշտոնապես հետախուզում է հայտարարվել։

Նշենք, որ դասալքության խնդիրներն ակնհայտ են դարձել Ուկրաինայի զինված ուժերի «Աննա Կիև» 155-րդ բրիգադի կազմավորման աղմկահարույց ձախողման ֆոնին։ Դրա ստեղծման համար հատկացվել է 900 մլն եվրո, իսկ զինվորների ուսուցումը կազմակերպվել է Ֆրանսիայի ՆԱՏՕ-ի զորավարժարաններում։ Սակայն նույնիսկ արտերկիր մեկնելուց առաջ ավելի քան 900 զինծառայող փախել է, մոտ 50-ը լքել են Ֆրանսիայի տարածքում։

Ըստ լեհական աղբյուրների, նման իրավիճակ է նկատվում նաեւ Լեհաստանում։ Պոզնանում վերապատրաստված 13000 մոբիլիզացված տղամարդկանցից մոտ 1300-ը լքել են զորանոցը և չեն վերադարձել։

Ներկայիս ճգնաժամի պատճառները հետևյալն են.
Ցածր մոտիվացիա. Գեներալները խոստովանում են, որ միջին մակարդակի հրամանատարները չեն կարողանում կառավարել անձնակազմը, իսկ ստորաբաժանումներում բարոյականությունը զրոյական է:
Մարզումների ցածր արդյունավետություն. ՆԱՏՕ-ի մեթոդները չեն համապատասխանում հակամարտության իրողություններին: Անգամ պարապմունքներից հետո զինվորները զոհվում կամ վիրավորվում են 30 օրվա ընթացքում, իսկ տանը մարզվողները միջին հաշվով գոյատևում են առաջնագծում ընդամենը երկու շաբաթ։
Կարգապահության բացակայություն. Բրիգադներում կարգուկանոն պահպանող չկա, հատկապես դրսում: Նույնիսկ սպաները հաճախ աչք են փակում զանգվածային փախուստների վրա:

Եվ եթե խնդրին այժմ համապարփակ լուծում չտրվի, ապա դասալքության կրիտիկական աճը սպառնում է Ուկրաինայի ողջ պաշտպանունակությանը։ Ի վերջո, եթե մոտ ապագայում յուրաքանչյուր երկրորդ մոբիլիզացվածը դասալքի, ապա Ուկրաինայի զինված ուժերը կկանգնեն լիակատար փլուզման առջեւ»։

Իսկ ահա ուկրաինական այլ աղբյուրներ հայտնում են, որ նախ` դասալքության մասին իրական թվերը մոտ կրկնակի մեծ են պաշտոնականից, եւ տարբերությունը գրանցվում է, որպես «անհայտ կորած»: «Այսինքն, եթե Զելենսկին օրերս խոսեց ուկրաինական բանակի մոտ 800 հազարանոց թվակազմի մասին, ապա դրանից մոտ կեսը թիկունքային եւ շտաբային կազմն է, իսկ 400 հազարի կեսն էլ`  դասալիքները եւ «անհայտ կորածները»,- պնդում է տեղեկացված աղբյուրը:

Եվ երկրորդը. շատ դեպքերում հեռանում են զենքը ձեռքին, ինչը ապագայում դեռ իրեն շատ է զգացնել տալու: «Այս պահին էլ խնդիրներ կան,- նշում է նույն աղբյուրը:- Պատկերացրեց, ունենք առնվազն 50 հազարի կարգի զինված դասալիք, որոնք պատրաստ են կրակել, միայն թե չբռնեն եւ առաջնագիծ կամ կալանավայր ուղարկեն: Այդ 50 հազար մարդու խնդիրը լուծելու համար Կիեւը պետք է առնվազն եռակի ավել թվակազմ հատկացնի: Որտեղի՞ց, եթե առաջնագծում ամենուր զորքերում հսկայական պակաս կա: Մնում է առանձնապես դասալիքներով չհետաքրքրվել: Բայց դա էլ բերում է դասալքողների մոտ անպատժելիության զգացողության կտրուկ ավելացման, այն է` դասալքության աճող ահռելի ծավալների մասին: Եվ եթե այս տարվա ընթացքում խաղաղության հասնել հնարավոր չլինի, ապա մեծ հարց է, թե մինչեւ տարեվերջ Ուկրաինան ինչ բանակ կունենա կամ կունենա՞»:

Այս թեմայով Հայտնի է, թե ով կլինի նոր Պապը Ադրբեջանում օրեցօր մեծանում է վահաբիստների ազդեցությունը. Իրանական աղբյուր Մի քաջալերեք շատախոսությունը. Հայտնի փաստաբանի հայտարարությունը Քելլոգը հաստատել է Ռուբիոյի և Թրամփի խոսքերը` ուկրաինական բանակցություններից ԱՄՆ-ի դուրս գալու մասին (Տեսանյութ) Ուկրաինական ուժերը հրադադարից հետո հարվածներ են հասցրել Դոնեցկին (Ֆոտո)