Պեսկովն արձագանքել է ՀՀ-ԱՄՆ ռազմավարական գործընկերության մասին ստորագրվելիք փաստաթղթին

ԱՄՆ-ն ապակայունացնող դեր է խաղում Հարավային Կովկասում և փորձում է նոր երկրներ քաշել իր հետևից: Այս կարծիքը լրագրողներին հայտնել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով ԱՄՆ-ի հետ ռազմավարական գործընկերության համաձայնագիր ստորագրելու Հայաստանի մտադրությունը, գրում է ՏԱՍՍ-ը։

«ԱՄՆ-ը երբեք առանձնապես կայունացնող դեր չի խաղացել Հարավային Կովկասում, կարելի է նույնիսկ հակառակը ասել։ Հենց այս գործողությունների համատեքստում է, որ ԱՄՆ-ն, ընդհակառակը, իհարկե, ամեն կերպ փորձում է իր հետևից քաշել ավելի ու ավելի շատ երկրների»,- ասել է Կրեմլի ներկայացուցիչը։

Նա նշել է, որ Հայաստանի և ԱՄՆ-ի միջև ռազմավարական գործընկերության զարգացումը Երևանի ինքնիշխան իրավունքն է։

«Բոլոր երկրների, այդ թվում՝ ԱՄՆ-ի հետ հարաբերությունները զարգացնելը Հայաստանի ինքնիշխան իրավունքն է: Ռուսաստանի Դաշնությունը մտադիր է կառուցել իր կապերը Հայաստանի հետ»,- ասել է Պեսկովը։

Այսօր Վաշինգտոնում ՀՀ ԱԳ նախարար Արարատ Միրզոյանը և ԱՄՆ պետքարտուղար Էնթոնի Բլինքենը կստորագրեն ՀՀ-ԱՄՆ ռազմավարական գործընկերության մասին փաստաթուղթը:

Այս թեմայով Պեսկովը պատասխանել է Թրամփի՝ խաղաղության համաձայնագրի մոտալուտ կնքման մասին խոսքերին Պուտինը Զատկի զինադադարը երկարաձգելու հրաման չի տվել. Պեսկով Ուկրաինան ցանկանում է շարունակել հակամարտությունը Ռուսաստանի հետ և չի ծրագրում երկխոսության գնալ․ Պեսկով ՌԴ-ն և ԱՄՆ-ն լարված աշխատում են հանուն խաղաղության. Պեսկով Պեսկով. Ռուսաստանի և ԱՄՆ-ի շփումներից պետք չէ ակնթարթային արդյունքներ սպասել