ՕԵԿ-Ի ՏԱՌԱՊԱՆՔԸ ՓՈՐՁ ՈՒՆԻ
Արխիվ 12-16
ՕԵԿ-Ի ՏԱՌԱՊԱՆՔԸ ՓՈՐՁ ՈՒՆԻ
Ըստ շրջանառվող քաղաքական խոսակցությունների` մինչեւ շաբաթվա վերջ ՀՀԿ-ՀՅԴ կոալիցիան իրականություն կդառնա, եւ նաեւ հայտնի կդառնան այն անձանց անունները, ովքեր դրա արդյունքում կկորցնեն կամ ձեռք կբերեն համապատասխան պորտֆելներ` լինի նախարարի, մարզպետի, թե` այլ: Թե նոր կոալիցիան երկրի կառավարման հարցում ինչպիսի դրական կամ բացասական ազդեցություն կունենա, «Իրավունքը» պարզեց ՀՀԿ-ի նախկին կոալիցիոն գործընկեր ԱԺ «Օրինաց երկիր» խմբակցության ղեկավար ՀԵՂԻՆԵ ԲԻՇԱՐՅԱՆԻ տեսակետը.
– Որպես կոալիցիոն համագործակցության մեջ փորձառու քաղաքական ուժի ներկայացուցիչ` պետք է ասեմ, որ եթե կոալիցիայում չի լինում փաստացի ազդեցություն ընդհանուր որոշումների վրա, ապա այն կոալիցիա չէ: Մենք այդ մասին խոսել ենք, երբ 2014 թվականին դուրս եկանք կոալիցիայից, որովհետեւ ազդեցություն չունեցանք որոշումների վրա, օրինակ, կառավարության ղեկավարի փոփոխության եւ այլն: Եվ սա նշանակում է, որ կոալիցիան այնքանով-որքանով է: Մինչդեռ իրականում կոալիցիաները պետք է երկրի կառավարման գործում կոալիցիոն որոշումներ կայացնեն: Պետք է հնարավորություն տալ այն քաղաքական ուժերին, որոնք կոալիցիայի մեջ են մտնում, այն մասնաբաժնով, որով մասնակցում են կամ վերցնում են պորտֆելներ, այդքանով գոնե կարողանան մասնակիցը լինել երկրի կառավարման եւ փոփոխությունների մեջ: Ու իրավունքներ ունենան կյանքի կոչելու իրենց ծրագրերը: Եթե այդպես լինի, ողջունելի է, իսկ եթե նույնը պետք է լինի, ինչ մենք այսքան տարի տեսել ենք, արդեն պարզ է...
– Այսինքն` կարծում եք, որ կոալիցիայի արդյունքը միայն այն է, որ կուսակցությունը ձեռք է բերում մի քանի պորտֆե՞լ:
– Էլի եմ ասում, եթե պետք է լինի փաստացի, ողջունելի է: Իսկ եթե պետք է լինի պարզապես հրապարակավ, կամ ինչ-ինչ խնդիրներ լուծելու համար է անհրաժեշտ կոալիցիա, ուրեմն` որեւէ ակնկալիք կամ սպասելիք չկա:
ՀՐԱՆՏ ՍԱՐԱՖՅԱՆ
https://iravunk.com/sim/?p=164218&l=am/
1
8447 դիտում
2
7028 դիտում
3
4013 դիտում
4
3905 դիտում
5
3127 դիտում
