ԵԽԽՎ ՀԱՅԿԱԿԱՆ ԲԱՆԱՁԵՎԵՐԻՆ ՎԵՐԱԲԵՐՈՂ ՔՎԵԱՐԿՈՒԹՅՈՒՆՆԵՐՆ ԸՍՏ ԵՐԿՐՆԵՐԻ

ԵԽԽՎ ՀԱՅԿԱԿԱՆ ԲԱՆԱՁԵՎԵՐԻՆ ՎԵՐԱԲԵՐՈՂ

ՔՎԵԱՐԿՈՒԹՅՈՒՆՆԵՐՆ ԸՍՏ ԵՐԿՐՆԵՐԻ

Եվրոպայի խորհրդի խորհրդարանական վեհաժողովում այսօր քվեարկության էր դրվել երկու հակահայկական բանաձև, որոնցից մեկը, որի հեղինակն էր Ռոբերտ Ուոլթերը չի ընդունվել։ Մյուսը, որի հեղինակն է Բոսնիա և Հերցեգովինայի ներկայացուցիչ Միլիցա Մարկովիչը, և որը վերաբերվում էր Սարսանգի ջրամբարին, ընդունվել է։

Մերժված բանաձևին, որը վերնագրված էր «Լարվածության ավելացումը Լեռնային Ղարաբաղում ու Ադրբեջանի այլ օկուպացված տարածքներում»՝ 66 կողմ, 70 դեմ, 45 ձեռնպահ հարաբերակցությամբ, ողջ ու գրեթե ողջ կազմով կողմ են քվեարկել Ադրբեջանը, Թուրքիան, Վրաստանը, Սերբիան։ Բազմաթիվ դեմ ձայներ են ստացվել Հայաստանից, Ֆրանսիայից, Իտալիայից, Սլովակիայից, Հունաստանից ու Մեծ Բրիտանիայից։

Ընդունված հակահայկական բանաձևին ողջ կամ գրեթե ողջ կազմով կողմ են քվեարկել Ադրբեջանը, Թուրքիան, Վրաստանը, Ուկրաինան, Սերբիան։ Ողջ կազմով դեմ են քվեարկել Հայաստանը, Շվեդիան, Շվեյցարիան։ Քվեները կիսվել են Ֆրանսիայի,  Գերմանիայի, Հունաստանի, Իտալիա պատգամավորների մոտ։

Քվեարկության արդյունքում 98 կողմ, 71 դեմ ու 40 ձեռնպահ հարաբերակցությամբ հակահայկական բանաձևը ընդունվել է։

Քվեարկության մանրամասներին կարող եք ծանոթանալ երկու ինֆոգրաֆիկներում։

Նյութի աղբյուրը`  թերթ.am