«ՕՐԻՆԱՑ ԵՐԿԻՐ» ԿՈՒՍԱԿՑՈՒԹՅԱՆ ՆԱԽԱԳԱՀ ԱՐԹՈՒՐ ԲԱՂԴԱՍԱՐՅԱՆՆ ՈՒՄ ՀԱՇՎԻՆ Է ՀԱՐՍՏԱՑԵԼ

Արխիվ 12-16 26 Հունվար, 2016 10:12

«ՕՐԻՆԱՑ ԵՐԿԻՐ» ԿՈՒՍԱԿՑՈՒԹՅԱՆ ՆԱԽԱԳԱՀ ԱՐԹՈՒՐ ԲԱՂԴԱՍԱՐՅԱՆՆ ՈՒՄ ՀԱՇՎԻՆ Է ՀԱՐՍՏԱՑԵԼ

Հայաստանում քաղաքական մշակույթի «դեֆիցիտ» կա, ոմանք «ամաչում» են հարցնել, թե այս կամ այն «ազգափրկիչը»` ինչպես եւ ում հաշվին է այսպես տռզել, որ, օրինակ, կարող է մի ինքնաթիռ մարդ տանել Դուբայ ու մի շաբաթ այնտեղ տժժալ: Սակայն, եթե հանկարծ որեւէ հարցադրում է հնչում այս մասին, թե՛ քաղաքական գործիչները, եւ թե՛ նրանց սպասարկող տուզիկները սկսում են այնպես վնգստալ ու գալարվել, որ շան թուլեն ու անձրեւավորդը կարգին պարկեշտ իմիջ են ձեռք բերում: Ռուսերեն ասացվածք կա`«не тронь говно-воняет»:Հասարակության մեջ դեռեւս իշխում է այն կարծրատիպը, որ չարժե փողոտի հետ գլուխ դնել` «փողոտի մոտ միշտ էլ աղքատն է մեղավոր», քանի որ դրա համար իրական հիմքեր կան: Բայց երբ ժողովրդի հաշվին աստղաբաշխական ունեցվածք թալանածները անմեղ կույսի կերպարանքով ամեն րոպե իրենց աղքատ ժողովրդի պաշտպանի տեղ են ուզում «նաղդել», այդ ժամանակ մարդկանց համբերությունը հատում է: Թե որքանով են «աղքատ» որոշ «ընդդիմադիր» կուսակցությունների առաջնորդները, երեւում է ԿԸՀ ներկայացրած նրանց գույքի եւ եկամուտների հայտարարագրից: Ազնիվ լինելու համար նշենք, որ այնքան էլ արժանահավատ չէ որոշ առաջնորդների ներկայացրած հայտարարագրերը: Նրանք սովորույթի համաձայն իրենց ունեցվածքը գրանցում են զոքանչների կամ քենիների անուններով, որոնք հայտարարագիր ներկայացնող սուբյեկտներ չեն հանդիսանում:

Այս տեսակետից ամենահետաքրքիրն է Արթուր Բաղդասարյանի տեսակը: ՕԵԿ ղեկավարն անցնող 10 տարում կտրուկ բարելավել է իր գույքային վիճակը, սակայն եղել է գրեթե բացառապես պետական աշխատավարձով վարձատրվող պաշտոնյա: Եթե 2007թ. Արթուր Բաղդասարյանը որպես սեփականություն բնակելի տուն չուներ, ապա արդեն 2012-ին հայտարարագրել է ոչ միայն տուն, այլեւ ավտոտնակ: Համատեղ սեփականության իրավունքով Արթուր Բաղդասարյանը Երեւանի փոքր կենտրոնում` Բայրոնի փողոցում ունի 215.3 քմ մակերեսով բնակարան եւ 34,8 քմ ավտոտնակ:

Ըստ 2012թ. հայտարարագրի` Արթուր Բաղդասարյանին է պատկանում «Գավեքս» ՍՊԸ-ի 100 տոկոս բաժնեմասը:

Արթուր Բաղդասարյանը` որպես 2012թ. եկամուտ, հայտարարագրել է իր 4 միլիոն 295 հազար 500 դրամ աշխատավարձը, սակայն 2012-ի մարտի 1-ի դրությամբ նրա հաշվին եղել է 5 միլիոն դրամ եւ 20 հազար դոլար: Իսկ 2013 թվականին Ա. Բաղդասարյանի տարեկան աշխատավարձը կազմել է 3,65 մլն. դրամ, սակայն տարեվերջում Արթուր Վահանիչը հայտարարագրել է արդեն 25,5 մլն դրամ եւ 20 հազար դոլար:

Իսկ այսօր Արթուր Բաղդասարյանն արդեն այնքան է «հաբռգել», որ 120 հոգով քեֆ է կազմակերպում Դուբայում, եւ ըստ ՕԵԿ-ականների, նրա ընտանիքի յուրաքանչյուր անդամ ունի 100 հազար դոլարանոց սուպերշքեղ ավոտմեքենա: Ի դեպ, երբ այսուհետ ՕԵԿ-ականները խոսելու են կոռուպցիայից, թող նախ բացատրեն «Օրինաց երկիր» կուսակցության նախագահ Արթուր Բաղդասարյանն ում հաշվին է հարստացել:

Հ. ՏԵՐ-ՎԱՀԱՆՅԱՆ

(Շարունակելի)

Դուք դեռ օգտագործո՞ւմ եք Հայերեն ANSI: Ժամանակն է մեկընդմիշտ անցնել Յունիքոդի: Յունիքոդը հասանելի է բոլոր համակարգիչների վրա և հայերեն կարդալու կամ գրելու համար չի պահանջում լրացուցիչ տառատեսակների առկայություն:

Այս կայքում Դուք հեշտությամբ կփոխարկեք Ձեր ANSI հայերենով գրված տեքստերը Յունիքոդի: Պարզապես մուտքագրեք ANSI տեքստը վերին վանդակում, և Յունիքոդ տարբերակը անմիջապես կհայտնվի ներքևում:

Ընդլայնված (beta) Պարզ

ANSI

Unicode

ՓՈԽԱՐԿՄԱՆ ԱՂՅՈՒՍԱԿ

Օգնություն

[email protected]

Developed by Hrant Khachatrian. Designed by Mariam Melkumyan.

ShareThis Copy and Paste

- See more at: http://unicodenow.com/#sthash.VuIyG1jd.dpuf

https://iravunk.com/sim/?p=163685&l=am/