ՍՏԵՓԱՆ ԳՐԻԳՈՐՅԱՆ. «ԵԽԽՎ-Ի ՀԱՅԿԱԿԱՆ ՊԱՏՎԻՐԱԿՈՒԹՅԱՆ ԿԱԶՄԸ ԿԱՐԵԼԻ Է ԹԱՐՄԱՑՆԵԼ, ԲԱՅՑ…»

ՍՏԵՓԱՆ ԳՐԻԳՈՐՅԱՆ. «ԵԽԽՎ-Ի ՀԱՅԿԱԿԱՆ ՊԱՏՎԻՐԱԿՈՒԹՅԱՆ ԿԱԶՄԸ ԿԱՐԵԼԻ  Է ԹԱՐՄԱՑՆԵԼ, ԲԱՅՑ…»

«Իրավունք»-ն այսօր քաղաքագետ Ստեփան Գրիգորյանից  պարզեց` ԵԽԽՎ-ում Հայաստանր ձախողումները  պե՞տք է բարդել միայն հայկական պատվիրակության վրա:  Արդյոք միայն հայկական պատվիրակության աշխատանքով պետք է ապահովել պրոհայկական բանաձեւեր:  «Հայկական պատվիրակության աշխատանքը բավարար չէ, բայց  այսպես հեշտ քննադատել պատվիրակությանը  դեմ եմ:  Պատվիրակության կազմը կարելի է թարմացնել, բայց հանուն արդարության ասեմ` դժվար է չորս հոգանոց պատվիրակությամբ  աշխատել եւ հակազդել թուրք-ադրբեջանական պատվիրակությունների հակահայկական քայլերին»,- ասաց վերլուծաբանը:

Ըստ քաղաքագետի` ԵԽԽՎ-ում հակահայկական բանաձեւերին նպաստում են նաեւ  են  հակառուսական տրամադրությունները, Ռուսաստանի հետ  Հայաստանին ասոցացնելը: «Ես չեմ ցանկանում քննադատել, այլ առաջարկում եմ փոխել աշխատելաոճը: Օրինակ, ադրբեջանցիների բերանին գալն ու  հակահայկական ելույթներին միշտ պատասխանելը: Երբ դու անընդհատ պատասխանում ես, դա դրական չի ընկալվում: Այո, դեպքեր կան, երբ պետք է պատասխանել, սակայն միշտ  պատասխանել, ճիշտ չէ:   Հորդորում եմ հայկական պատվիրակություններին աշխատել տարբեր հանձնաժողովներում, ձեռքբերել հեղինակություն ու ասել իրենց կարծիքը»,- եզրափակեց Ստեփան Գրիգորյանը:

ՍՈՆԱ ԴԱՎԹՅԱՆ