«Իրավունք» թերթի տպագիր համարներ

ՓՈԽՈՍՏԻԿԱՆԱՊԵՏԻ ՍՊԱՆՈՒԹՅԱՆ ԳՈՐԾԸ ԴԵՌ ՇԱՏ ՀԵՌՈՒ Է ԲԱՑԱՀԱՅՏՎԵԼՈՒՑ

Արխիվ 12-16
Կիսվել

ՓՈԽՈՍՏԻԿԱՆԱՊԵՏԻ ՍՊԱՆՈՒԹՅԱՆ ԳՈՐԾԸ ԴԵՌ ՇԱՏ ՀԵՌՈՒ Է ԲԱՑԱՀԱՅՏՎԵԼՈՒՑ

Շուտով կլրանա 2009 թվականին իր բնակարանի դիմաց դարանակալած մարդասպանի կրակոցներից ոստիկանության գնդապետ, փոխոստիկանապետ Գեւորգ Մհերյանի սպանության 7-րդ տարին: Իսկ գործը դեռ բացահայտված չէ, թեեւ քանիցս բացահայտման մասին հուսադրական հայտարարություններ եղել են: Փոխոստիկանապետի հայրը՝ ՊԵՏՐՈՍ ՄՀԵՐՅԱՆԸ, այս տարիներին ակտիվորեն փորձում էր հասնել բացահայտմանը: Մինչդեռ՝ առ այսօր նրա մոտ դեռ մի շարք հարցերի պատասխաններ այդպես էլ մութ են մնում: Հարցեր, որոնք, ինչպես պարոն Մհերյանն է ասում. «Ինքնին խոսում են գործն ի սկզբանե սխալ ուղղով տանելու, շեղելու մասին»: Փոխոստիկանապետի հայրը մեզ հետ զրույցում բազում անպատասխան հարցերից անդրադարձավ մի քանիսին: Մասնավորապես, թե ինչպե՞ս է ստացվել, որ իր որդուն վարչապետի նվիրած զենքը, որը սպանության օրը եղել է Գեւորգի մոտ, հետագայում դարձել է ոստիկանության տաբելային զենք.

 

 

 

- Որդուս առեղծվածային սպանությանը վերաբերող հարցերն այնքան շատ են, որ դրանց անդրադառնալուն ժամանակը չի հերիքի, բայց դրանցից մի քանիսը հնչեցնեմ: Հենց, օրինակ, որդուս մոտ եղած զենքի պատմությունը. ես հիմա պատրաստվում եմ զենքն ու շորերը տալ ԴՆԹ-ի փորձաքննության: Մինչդեռ՝ շորերը կան, բայց զենքը չի պահպանվել: Սպանությունից երկու ամիս հետո զենքը փաթեթավորվել, կնքվել է 26 կնիքով եւ ուղարկվել ոստիկանություն: Դա նշանակում է, որ կնիքները բացվելուց հետո զենքն անպայման պետք է անցներ փորձաքննություն: Մինչդեռ պարզվում է, որ առանց որեւէ փորձաքննության, փաթեթավորումը բացել եւ գրանցել են` որպես ոստիկանության տաբելային զենք: Շատ հետաքրքիր է՝ ոստիկանությունում զենք չկա՞ր, թե սպասում էին, որ ինչ-որ մեկին սպանեն, որ իր անձնական եւ ոչ թե տաբելային զենքը տային մեկ ուրիշին: Սա շատ տարօրինակ բան է, իսկ այս տարօրինակությունը եղել է նախկին ոստիկանապետ Ա. Սարգսյանի ժամանակ:
Մեկ այլ տարօրինակ փաստ` նույն զենքի հետ կապված. երբ դեպքի վայրում փորձաքննություն է կատարվել, փորձագետը նշել է. «Կարեւոր մատնահետքեր չկան»: Ի՞նչ է նշանակում` կարեւոր, ո՞վ է որոշել կարեւորն ու անկարեւորը: Կամ` լավ, որդուս մատնահետքերն է՞լ չկային, քանի որ ի սկզբանե էլ պարզ էր, որ Գեւորգս պայքարել է: Կա եւս մեկ տարօրինակ փաստ, այն փամփուշտները, որոնք օգտագործվել են որդուս սպանության ժամանակ, նույն փամփուշտներից առգրավվել են Խորեն Իգիթյանի ¥ով ժամանակին մեղադրվում էր- Հեղ.¤ տանը` խուզարկման ժամանակ: Երբ ես հարց տվեցի Հեկտոր Սարդարյանին (նախկին ոստիկանության գեներալ) այդ փաստի վերաբերյալ, նա ինձ պատասխանեց, թե դա Ղարաբաղից է մնացել նրա մոտ: Սա գործը «սարքելու» մի ձեւ է. սա իմ օբյեկտիվ կարծիքն է:
Կամ եզրակացություն կա, ըստ որի՝ այդ օրը որդուս անցած ճանապարհի բոլոր տեսախցիկները ստուգվել են, եւ կրկին ոչ մի հետաքրքրող բան չկա: Բայց զարմանալին այն է, որ այդ եզրակացությունը` որպես այդպիսին, փաստացի գոյություն չունի: Ավելին՝ նույնիսկ տեսախցիկներն են անհայտացել, այդ դեպքում` ինչի՞ հիման վրա են նման փաստաթուղթ ստորագրում:
Որդեկորույս հայրն ակնկալում է, որ գոնե առաջիկայում Ազգային անվտանգությունը կտա իր հարցերի պատասխանը.
- Վերջերս դիմեցի Դատախազություն, որ, որպես պաշտոնատար անձանց հետ կապված գործ, սպանության գործը փոխանցվի Ազգային անվտանգություն, քանի որ մնացել է մի կառույց, որին դեռ հավատում եմ: Բայց, ցավոք, ինձ մերժել են, պատասխանելով, որ անհնար է: Ես չեմ հավատում ներկայիս գործը վարողներին` Քննչական կոմիտեին: Ես իրենց արած աշխատանքով բավարարված եմ, բայց մարդիկ առաջ չեն կարողանում գնալ, որովհետեւ այդպես էլ չկան հուզող հարցերի պատասխանները: Թե՛ իրավապահները, թե՛ նույնիսկ իրավական կրթություն չունեցող մարդիկ, երբ կարդում են սպանության գործը, զարմացած ասում են «Էս ո՞նց են խառնել գործը»: Իսկ եթե խառնում են գործը կամ «սարքում» մեկ ուրիշի գլխին, դա փաստում է, որ կա՛մ իրենք են պատվիրատուները, խառնողները, ուրիշին «գարանտիա» տվողները, կա՛մ ինչ-որ մի բանի դիմաց իրականությունը փորձել են կոծկել ու «սարքել» ուրիշի գլխին:
Ինչ խոսք, ի սկզբանե մեղադրվող Իգիթյան եղբայրներն ունեն իրենց որոշակի դերակատարումը. հակառակ դեպքում ժամանակին չէին գնա համագործակցության իրավապահ մարմինների հետ՝ ժամանակ անց, կանխորոշելով հետագա վտանգը` հրաժարվելով համագործակցելուց: Այլ տարբերակ ես չեմ տեսնում, եւ եթե ինչ-որ մեկը տեսնում է, թող ասի եւ ես ներողություն կխնդրեմ:
ԻԼՈՆԱ ԱԶԱՐՅԱՆ
https://iravunk.com/sim/?p=163568&l=am/
Կիսվել
Լրահոս
Սպասում եմ Հայկ Բաբուխանյանին Գյումրիում․ Վարդան Ղուկասյանը արձագանքում է Ռ. Միրոշնիկը այցելեց «Իրավունք Մեդիա» հոլդինգ ՈՒՂԻՂ. Հայաստանի ազատագրումը սկսենք Գյումրիից.Հայկ Բաբուխանյան 15 հազար դրամ տուգանքը կամայական եւ քմահաճ որոշում է. Աշոտ Նուրիջանյան Ինչ ճակատագիր կունենա «Եվրաքվեն» (տեսանյութ) Այլ երկրում Հայ առաքելական եկեղեցու համար ստեղծում են պայմաններ, իսկ մեր երկրում հետապնդում են Ոչ մեկի մտքով չի անցնում հարձակվել Բելառուսի վրա, որովհետև նա ՌԴ ի հետ միութենական պետության մեջ է ՑԱՎԱԿՑԱԿԱՆ «ՈՒԺԵՂ ՀԱՅԱՍՏԱՆԸ ՌՈՒՍԱՍՏԱՆԻ ՀԵՏ. ՀԱՆՈՒՆ ՆՈՐ ՄԻՈՒԹՅԱՆ» ՇԱՐԺՈՒՄԸ ԴԱՏԱՊԱՐՏՈՒՄ Է ՆԻԿՈԼԻ ԿԱՌԱՎԱՐՈՒԹՅԱՆ ՈՐՈՇՈՒՄԸ Պահանջում ենք դատական կարգով առ ոչինչ հայտարարել Նիկոլ Փաշինյանի հայտարարությունները, որտեղ Արցախը նշվում է Ադրբեջանի կազմում Հայ-չինական հարաբերությունները ունեն զարգացման մեծ ներուժ Նիկոլ Փաշինյանի թրաշվելը ազդարարեց Հայաստանի կործանման վերջին փուլը. ՀԱՅԿ ԲԱԲՈՒԽԱՆՅԱՆ Վլադիմիր Պուտինը Հայկ Բաբուխանյանին պարգեւատրել է Կայացավ երրորդ ուժի ձևավորմանը նվիրված համաժողովը ՈՒՂԻՂ․ Ով է իր մուռը հանում Անկախության հռչակագրից․ Հայկ Բաբուխանյան ՍԻՄ կուսակցությունը ցավակցում է Արտաշես Գեղամյանի մահվան կապակցությամբ ՈՒՂԻՂ․ Թեժ աշուն սորոսականների հե՞տ Իրականում Եվրամիություն գնալը ճանապարհ է դեպի Թուրքիա. Հայկ Բաբուխանյան «Դուք որպես ժայռաբեկոր կանգնած եք այդ ճանապարհին, որպեսզի թույլ չտաք սրիկային, սատանայական ուժերին քանդել այն» Խստիվ դատապարտում ենք ապօրինի վարչախմբի վարքագիծը Սվինների վրա հիմնված ոստիկանապետությունը շուտով փլվելու է ՍԻՄ կուսակցության հայտարարությունը երկրում ստեղծված իրավիճակի վերաբերյալ ՍԻՄ նախագահը ընդունեց ՀՀ-ում Բելառուսի դեսպանատան խորհրդականին Հայկ Բաբուխանյան «ֆեմինիզմը, դա քայքայիչ աղանդ է...» Ուր կհասնի հրաժարականների շարքը․ Հաֵյկ Բաբուխանյան
Բոլոր լուրերը »
Տեսանյութեր
Զատիկին ընդառաջ մեզ տանում են դեպի սատանիզմ. Հայկ Բաբուխանյան
Հայ-ռուսական հարաբերությունների անառողջ մթնոլորտը պետք է հաղթահարել 2 փուլով. Հայկ Բաբուխանյան (Euromedia24)
ՈՒՂԻՂ. Հայաստանի ազատագրումը սկսենք Գյումրիից.Հայկ Բաբուխանյան
Ինչ ճակատագիր կունենա «Եվրաքվեն»
Ալիևը սայթաքեց, պետք է ազատվել Նիկոլից և վերադարձնել Արցախը. Հայկ Բաբուխանյան
Ամենադիտված
1 9365 դիտում Ուշադրություն․ Aliexpress-ը այլևս չի ընդունում հայկական քարտեր. Արսեն Լեւոնյան 2 7609 դիտում Ուսադիրը հարգող ոստիկանապետ ունենք.Արթիկցիները գնդապետ Ադամյանի մասին 3 4580 դիտում Սիրավեպից ու բաժանումից տարիներ անց Միքայել Պողոսյանը Աննա Հարությունյանին բեմում մրցանակ հանձնեց ու համբուրեց 4 3529 դիտում «Քաղցր թույն»՝ դպրոցում. ինչո՞ւ են խուզարկել թիվ 19 դպրոցի աշակերտներին 5 2973 դիտում Թրամփը երկու անգամ խնդրել է Պուտինին` Զելենսկու սադրանքներից հետո «Օրեշնիկ» չօգտագործել
Ազդակ ակումբի հյուրերը