ՀՀԿ-Ի ՀԵՏ ԿՈԱԼԻՑԻԱ ԿԱԶՄԵԼՈՒ ԼՈՒՐԵՐԸ ՀՈԳՆԵՑՐԵԼ ԵՆ ԴԱՇՆԱԿՑԱԿԱՆ ՊԱՏԳԱՄԱՎՈՐԻՆ

ՀՀԿ-Ի ՀԵՏ ԿՈԱԼԻՑԻԱ ԿԱԶՄԵԼՈՒ ԼՈՒՐԵՐԸ ՀՈԳՆԵՑՐԵԼ

ԵՆ ԴԱՇՆԱԿՑԱԿԱՆ ՊԱՏԳԱՄԱՎՈՐԻՆ

Այս տարի` սահմանադրական բարեփոխումներից հետո, խորհրդարանում պատգամավորների ուշադրության կենտրոնում հիմնականում լինելու է ընտրական օրենսգիրքը: ՀՅԴ պատգամավոր Արծվիկ Մինասյանից «Իրավունք»-ը պարզեց` հնարավոր է  ընդդիմադիր  ուժերի միջեւ կոնսենսուս կլինի ընտրական օրենսգրքի շուրջ քաղաքական ուժերի կոնսենսուս: Չեմ կարող ասել, քանի որ տեղյակ չեմ` մյուս ընդդիմադիրներն ինչ են մտածում այս հարցի մասին: «Անկախ մյուս քաղաքական ուժերից` մենք  աշխատում ենք: Ցանկալի կլինի, որ քաղաքական բոլոր ուժերը ներկայացնեն իրենց առաջարկները»:

Մեր դիտարկմանը, թե ընդդիմադիր որոշ ուժեր առանձնակի հույսեր չեն կապում ԸՕ-ի հետ, քանի որ այն, ըստ էության, ոչինչ չի փոխելու ընտրական համակարգում, Արծվիկ Մինասյանի խոսքով` սուրճի բաժակ նայելով նման հարցի չի կարող պատասխանել: Դրա փոխարեն ՀՅԴ-ն նախընտրում է ռեալ  աշխատանքը:

Հարցին` ճիշտ են այն լուրերը, որ ՀՅԴ-ն  ՀՀԿ-ի հետ  այս տարի  կկազմի կոալիցիա, դաշնակցական պատգամավորն այսպես արձագանքեց. «Եթե դուք չեք հոգնել, ես արդեն հոգնել եմ այդ հարցին պատասխանելուց:  Դադարեցրեք այդ հարցը: Երբ էդպիսի իրավիճակ առաջանա,  դաշնակցությունն  այդքան կամք ու վճռականություն ունի, որ  հայտարարի, որ մենք կոալիցիայի մեջ ենք»:

Ի դեպ, ԸՕ-ին վերաբերող հարցերի շուրջ, ինչպես տեղեկացրեց պատգամավորը,  ՀՅԴ-ն համագործակցում է  ՀՀԿ-ի հետ:

ՍՈՆԱ ԴԱՎԹՅԱՆ