Ավո Ադամյան. «ՍԱ ԻՄ ՏԵՍԱՀՈԼՈՎԱԿԸ ՉԷ, ԱՅԼ ԲՈԼՈՐԻՆՍ» (Պրեմիերա)

Ավո Ադամյան. «ՍԱ ԻՄ ՏԵՍԱՀՈԼՈՎԱԿԸ ՉԷ, ԱՅԼ ԲՈԼՈՐԻՆՍ» (Պրեմիերա)

«Իմ շատ սիրելի ընկերներ ահա եւ ձեր տեսահոլովակը…Սա իմ տեսահոլովակը չէ, այլ բոլորինս», - գրել է երգիչ ԱՎՈ ԱԴԱՄՅԱՆՆ ու հանրության դատին ներկայացրել իր «Դաժան է սերը» տեսահոլովակի պրեմիերան: Նշենք, որ տեսահոլովակի ռեժիսորը Հրաչ Քեշիշյանն է, իսկ գործիքավորումը կատարել է Արսեն Բարսամյանը: Անդրադառնալով տեսահոլովակի հուզառատ բովանդակությանը ու ոչ պակաս հուզիչ երգին, օրեր առաջ Ա. Ադամյանն «Իրավունքի» հետ զրույցում նշել էր հետեւյալը. «Ընտրված երգն իմ տարիների ընկերն է: Հազար անգամ երգելուց հետո էլ հուզվում եմ: Նախապես ասեմ տեսահոլովակում առկա տեսարանները կապ չունեն իմ անձնական կյանքի հետ: Ընդհանրապես իմ գործերի մեջ առաջին քննադատը ես եմ լինում ու հերթական աշխատանքս ներկայացնելուց մտածում եմ, որ ավելի լավը կարող էր լինել: Իսկ սա այն եզակի դեպքն է, որ չեմ կարողանում թույլ տեղը գտնել: Այս երգում էություն, հոգեվիճակ կա, ունի անհատական ընկալում մեզնից յուրաքանչյուրի կողմից»: Եվ, իսկապես, մի քանի ժամվա ընթացքում տեսահոլովակն արդեն իսկ ունեցավ հարյուրավոր դիտումներ ու բազմաթիվ դրական մեկնաբանություններ, որոնց ի պատասխան երգիչը սոցցանցում գրել է. «Անչափ շնորհակալ եմ իմ բոլոր ընկերներին բարեմաղթանքների համար: Ձեր ներկայությունը ինձ ավելի է ոգեւորում ու ստեղծագործելու ուժ տալիս»:

ՀՐԱՆՏ ՍԱՐԱՖՅԱՆ