ՄԱՐԿՈՍ ՊԻԶԵԼԻ. ՀՐԱՊԱՐԱԿԱՎ ԽԶՈՒՄ ԵՄ ՊԱՅՄԱՆԱԳԻՐՍ, 712 ՀԱԶԱՐ ԴՈԼԱՐՆ ԷԼ ՆՎԻՐՈՒՄ ԵՄ ԱԿՏՈԲԵԻ ԲՆԱԿԻՉՆԵՐԻՆ

Արխիվ 12-16 9 Հունվար, 2016 13:59

ՄԱՐԿՈՍ ՊԻԶԵԼԻ. ՀՐԱՊԱՐԱԿԱՎ ԽԶՈՒՄ ԵՄ ՊԱՅՄԱՆԱԳԻՐՍ, 712 ՀԱԶԱՐ ԴՈԼԱՐՆ ԷԼ ՆՎԻՐՈՒՄ ԵՄ ԱԿՏՈԲԵԻ ԲՆԱԿԻՉՆԵՐԻՆ

Ղազախական «Ակտոբեն», որի կազմում 2014 թվականից հանդես էր գալիս Հայաստանի ազգային հավաքականի կիսապաշտպան Մարկոս Պիզելին հայտնվել է ծանր ֆինանսական կացության մեջ եւ դեռ ամիսներ առաջ ակումբը հայտարարել էր, որ պատրաստվում է հրաժարվել մեկնարկային կազմի մի շարք ֆուտբոլիստներից: Մարկոս Պիզելիի աշխատավարձի չափը ղազախական ակումբում կազմում էր ամսեկան 75 հազար դոլար, այդ հանգամանքը առաջացրել էր ակումբի երկրպագուների զայրույթը: Ստեղծված իրավիճակը ստիպեց Մարկոս Պիզելիին ժամանակից շուտ հեռանալ թիմից խզելով պայմանագիրը ակումբի հետ.«Ես հետեւում եմ թե ինչ է կատարվում, գիտեմ, որ ակումբի ղեկավարությունը հրապարակում է պայմանագրերի բոլոր կետերը: Գիտեմ նաեւ թե ինչ են ասում երկրպագուները: Ես եկել եմ «Ակտոբե» խաղալու եւ ոչ թե գումար վաստակելու: Այն ակումբից, որից տեղափոխվել եմ ակտոբական թիմ ես վաստակում էի ոչ պակաս եւ Ղազախստան եմ տեղափոխվել եմ ոչ նրա համար, որ ավելի շատ գումար վաստակեմ: Ես կհասկանայի ինձ ուղղված դժգոհությունները, եթե միայն ես ղազախական ֆուտբոլում վաստակեի այսքան գումար: Բոլոր լավ լեգիոներները այստեղ ստանում են նույնքան եւ անգամ ավելին: Եվս մեկ հանգամանք.Ամեն բան ներկայացվում է այնպես, իբրեւ ես հեռանում եմ թիմից ակումբի ֆինանասական խնդիրների պատճառով, բայց դա այդպես չէ: Այստեղ ինձ ամեն բան դուր էր գալիս ե՛ւ թիմը ե՛ւ երկրպագուները դրա համար ես գնում էի շատ փոխզիջումների ակումբում մնալու համար: Բայց ակումբի նոր ղեկավարությունն իր մոտեցումներն ունի: Եվ ի վերջո, եթե ղեկավարությունը ամեն բանի մասին խոսում է հրապարակավ, ապա ես էլ հրապարակային խզում եմ պայմանագիրս: Դեռ 12 ամսվա գործող պայմանագիր ունեմ եւ եթե շատ ցանկանամ, կարող եմ մնալ եւ ստանալ պայմանագրով նախատեսված ամբողջ գումարը: Բայց իմանալով, որ այդ միջոցները մեր երկրպագուների եւ Ակտոբեի բնակիչների գրպանից են՝ ես համաձայնեցի խզել պայմագիրը եւ ստացա միայն 2.5 ամսվա փոխհատուցում: 9.5 ամսվա 712 հազար 500 դոլարը նվիրում են բոլոր երկրպագուներին եւ քաղաքի բնակիչներին: Ես շնորհակալ եմ բոլոր երկրպագուներին, որոնք մինչեւ վերջ մեր կողքին են եղել: Ներողություն եմ խնդրում, եթե ինչ-որ բան այնպես չի ստացվել, բայց ես փորձել եմ ամբողջ հոգով: Հուսով եմ դեռ կհանդիպենք»,- Մարկոս Պիզելիի խոսքը մեջբերում է sports.kz-ն:

ՔՐԻՍՏԻՆԵ ՊԵՏՐՈՍՅԱՆ

https://iravunk.com/sim/?p=163318&l=am/