ՍՈՒՐԲ ԾՆՆԴՅԱՆ ՊԱՏԱՐԱԳԻՆ ՄԱՍՆԱԿՑԵԼՈՒ ՀԱՄԱՐ ՄԱՐԴԻԿ ՍՏԻՊՎԱԾ ԵՆ ՀԱՂԹԱՀԱՐԵԼ 40-45 ՍՄ ՁՅՈՒՆԸ

ՍՈՒՐԲ  ԾՆՆԴՅԱՆ ՊԱՏԱՐԱԳԻՆ ՄԱՍՆԱԿՑԵԼՈՒ ՀԱՄԱՐ ՄԱՐԴԻԿ ՍՏԻՊՎԱԾ ԵՆ ՀԱՂԹԱՀԱՐԵԼ 40-45 ՍՄ ՁՅՈՒՆԸ

Մի քանի օր տեղացող ձյունը փակել է ՀՀ Գեղարքունիքի մարզի Արծվանիստ գյուղի միակ եկեղեցու`Վանեւանի  ճանապարհը: Տեղացած ձյան շերտը կազմում  է 40-45 սմ: Ճանապարհը ձյան հաստ շերտից մաքրելու համար դեռեւս աշխատանքեր չեն կատարվում եւ դժվար է պատկերացնել, թե քանի հոգի կկարողանան հաղթահարել ճանապարհի դժվարությունները եւ հասնել եկեղեցի ու մասնակցել Ճրագալույցի Սուրբ Պատարագին: Տեր ՀԱԿՈԲ քահանա ՀԱԿՈԲՅԱՆԻ խոսքով`այսօր գյուղում մի քանի մկրտություն է եղել եւ եկեղեցու ճանապարհի անանցանելիության պատճառով ստիպված է եղել երեխաներին մկրտել ոչ թե եկեղեցում, այլ տանը. <<Երեք օր է համայնքի ղեկավարին ասում եմ, որ բացի եկեղեցու ճանապարհը, ասել է մաքրող տեխնիկա կուղարկի, որը այդես էլ տեղ չի հասնում: Համայնքը ձյուն մարքող սեփական տեխնիկա չունի, մեկ-երկու հոգի ունեն միայն: Ես ինչ կարող եմ անել, այսօրվա ծեսը կկատարեմ, ով կարող է թող այս ճանապարհով հասնի եկեղեցի>>,-<<Իրավունքի>> հետ զրույցում նշեց Վանեւան եկեղեցու քահանա տեր Հակոբ Հակոբյանը: Նա հույս ունի, որ գոնե վաղը եկեղեցու ճանապարհը կբացեն, որպեսզի մարդիկ կարողանան մասնակցել Հիսուս Քրիստոսի Ծննդյան Սուրբ Պատարագին:

Ի դեպ Ճրագալույցի Պատարագին եկեղեցում միայն քահանան էր:

Նշենք, որ Վանեւան եկեղեցին 903 թվականին  կառուցել են  Հայոց սպարապետ Շապուհ Բագրատունին եւ իր քույրը` Սյունյանց իշխանուհի Մարիամը:

ԶՎԱՐԹ ԽԱՉԱՏՐՅԱՆ