ՀԴԿ ՂԵԿԱՎԱՐԸ` ՀԱՆՑԱՎՈՐ ԽՄԲԻ ՄԱՍԻՆ.«ՊԵՏՔ Է ԴԱՏԱՊԱՐՏՎԵՆ, ՔԱՆԻ ՈՐ ԸՆՏՐՎԱԾ ՁԵՎԸ ՃԻՇՏ ՉԷ»

Արխիվ 12-16 2 Դեկտեմբեր, 2015 13:16

ՀԴԿ ՂԵԿԱՎԱՐԸ` ՀԱՆՑԱՎՈՐ ԽՄԲԻ ՄԱՍԻՆ.«ՊԵՏՔ Է

ԴԱՏԱՊԱՐՏՎԵՆ, ՔԱՆԻ ՈՐ ԸՆՏՐՎԱԾ ՁԵՎԸ ՃԻՇՏ ՉԷ»

ԱԱԾ-ի վնասազերծած հանցավոր խմբի հետ կապ ունեցող եւս երկու անձի են ձերբակալել: Այս պահի դրությամբ ձերբակալվածներից թիվը 23 է: Ֆեյսբուքյան օգտատերերը հիմնականում երկու վարկած են առաջ քաշում: Առաջին` խումբը արտաքին աշխարհի պատվերն է կատարել, երկրորդ` պատվեր եղել է ներսից: Հայաստանի դեմոկրատական կուսակցության նախագահ Արամ Սարգսյանից «Իրավունք»-ը պարզեց` ի՞նչ գնահատական կտա կատարվածին: «Այդ ճանապարհը, որը որդեգրել էր այդ խումբը, անընդունելի է: Սակայն ինձ հետաքրքրում է պատճառը` միասին հավաքել են, այդչափ զենք են կուտակել: Մինչեւ դա չիմանանք` չեմ կարող նրանց գործողությունները որակել»,- ասաց ՀԴԿ ղեկավարը:

Հանրության մի հատվածը հանցավոր խմբին համարում է ահաբեկիչ: «Եթե նրանք զենքով գործողություններ անեին, կլինեին ահաբեկիչ»,- պատասխանեց պրն Սարգսյանը:

Հանրության շրջանում, ըստ քաղաքական գործչի,ցավոք սրտի, այնքան մեծ է դժգոհությունը` սոցիալական խնդիրները չեն լուծվում, արտագաղթն ավելանում է, մարդիկ դիմում են ծայրահեղ քայլերի: «Ես երրորդ վարկածն եմ առաջ քաշում` մարդիկ հավաքվել էին` արտահայտելու իրենց դժգոհությունը իշխանության դեմ: Այո, պետք է դատապարտվեն նրանք, քանի որ ընտրված ձեւը ճիշտ չէ: Լավ, նրանց էլ ձերբակալեցին, հետո՞: Բա պատճառները չիմանա՞նք, որ լուծենք»,- եզրափակեց Դեմկուսի ղեկավարը:

ՍՈՆԱ ԴԱՎԹՅԱՆ

https://iravunk.com/sim/?p=162657&l=am/