«ՇՈՒՆՉԸ» ՖԻԼՄՆ ԱՄԵՆ ՄԻ ԱՆԱՐԺԱՆԻ ՀԱՄԱՐ ՉԷ
Արխիվ 12-16
«ՇՈՒՆՉԸ» ՖԻԼՄՆ ԱՄԵՆ ՄԻ ԱՆԱՐԺԱՆԻ ՀԱՄԱՐ ՉԷ
«Օժանդակ օգնություն սահմանապահներին» նախաձեռնության հեղինակ, կինոռեժիսոր ԱՐՇԱԿ ԶԱՔԱՐՅԱՆԸ շուտով հանդիսատեսի դատին կհանձնի իր նոր 22 րոպեանոց «Շունչը» ֆիլմը, սակայն այս անգամ կինոռեժիսորի մյուս ֆիլմերի պես այն հասանելի չի լինի համացանցում, ինչի մասին «Իրավունքի» հետ զրույցում նա նշեց հետեւյալը.
«Օնլայն տարբերակով չի լինելու ֆիլմի ցուցադրությունը, որովհետեւ մի քանի պրեմիերաներ են նախատեսված Արցախում, Երեւանում եւ, ըստ երեւույթին, ֆիլմը
կշրջագայի նաեւ շրջաններում, մանավանդ` սահմանամերձ: Հետո արդեն կորոշվի ֆիլմի ճակատագիրը: Համացանցում չեմ պատրաստվում հիմա ֆիլմը տեղադրել, որովհետեւ «փիս» են սովորել, որ բավական չէ շահ չհետապնդող ֆիլմ եմ նկարահանում, դեռ մի բան էլ իրենց «ակԾիվիստ» կամ եսիմ ինչ համարող ինչ-որ «թուլեք» քննադատեն կամ ասեն` Արշակը պատվեր է կատարում, չի հասնում իրենց: Իսկ իմ ընկերներին ես ձեւ կգտնեմ, թե ինչպես ֆիլմը նայեն: Բայց իմ ժողովրդի հետ մեկտեղ չեմ ուզում, որ ամեն մի անարժան նայի ֆիլմն ու ավելորդ խոսի, քանի որ այն մեր բանակի ու զինվորի մասին է»:
Հավելենք, որ ֆիլմի սցենարը գրվել է Վալերի Խալափյանի «Զինվորի փուչիկները» պատմվածքի հիման վրա, որի հիմքում իրական պատմություն է: Իսկ ֆիլմի մասին առավել մանրամասն դիտե՛ք տեսանյութում.
ՀՐԱՆՏ ՍԱՐԱՖՅԱՆ
https://iravunk.com/sim/?p=162645&l=am/
1
9886 դիտում
2
7966 դիտում
3
4868 դիտում
4
4129 դիտում
5
3546 դիտում
