«Խոսքը ռազմական սպառնալիքների դեմ նախորոշիչ գործողությունների իրականացման մասին է»
Արխիվ 12-16
«ԽՈՍՔԸ ՌԱԶՄԱԿԱՆ ՍՊԱՌՆԱԼԻՔՆԵՐԻ ԴԵՄ ՆԱԽՈՐՈՇԻՉ ԳՈՐԾՈՂՈՒԹՅՈՒՆՆԵՐԻ ԻՐԱԿԱՆԱՑՄԱՆ ՄԱՍԻՆ Է»
Ձմեռային զորակոչին ընդառաջ` «Իրավունքը» «Ուղիղ կապ» խորագրի ներքո հյուրընկալել էր ՀՀ ՊՆ իրավաբանական վարչության պետի տեղակալ, գնդապետ ՍԱՍՈՒՆ ՍԻՄՈՆՅԱՆԻՆ, ով մեկ ժամվա ընթացքում պատասխանեց ձմեռային զորակոչին վերաբերող, ինչպես նաեւ նորակոչիկներին եւ նրանց ծնողներին հուզող հարցերին: Առիթից օգտվելով` «Իրավունքը» հետաքրքրվեց հայ զինվորականի կարծիքը ՌԴ նախագահ Վ. Պուտինի որոշման մասին` առ այն, որ հայ-թուրքական սահմանին անհապաղ պետք է տեղակայվեն Ռուսական 58-րդ բանակի «էլիտար» զորագնդեր եւ բրիգադներ, էլեկտրոնային պայքարի, հակաօդային պաշտպանության համակարգեր, բազմակի կրակի հրթիռային համակարգեր, հակատանկային, հետեւակային եւ հրետանային զորքեր, որոնց ընդհանուր քանակը պետք է կազմի մոտ 7000 ռուս զինվորական.
– Պաշտպանության ոլորտում մենք Ռուսաստանի Դաշնության հետ ունենք ռազմավարական փոխհարաբերություններ: Ուստի` այս ամենը պետք է դիտարկել աշխարհաքաղաքական ընդհանուր զարգացումների կոնտեքստում: Իսկ մենք գիտենք, որ աշխարհում լարվածությունը քանի գնում մեծանում է, ինչը մեզնից ամենեւին էլ հեռու չէ, որովհետեւ այդ թվում` կա լարվածության մեծացում նույն Թուրքիայի հետ: Այսինքն` այսօր խոսքը միջազգային երաշխիքների կամ ռազմական սպառնալիքների դեմ նախորոշիչ գործողությունների իրականացման մասին է: Եվ այսօրվա անվտանգության սպառնալիքների մակարդակի բարձրացման շրջանակներում ցանկացած քայլ, որը կարող է երաշխավորել ՀՀ անվտանգությունը, իմ կարծիքով` միայն պետության եւ ժողովրդի շահերից է ելնում:
Այս ամենն իրականացվելու է ընդունված համաձայնագրի շրջանակներում` համատեղ հերթապահության, համատեղ ծառայության կազմակերպման միջոցով: Այնպես որ, սա մեզ համար շատ էական նշանակություն ունի:
ՀՐԱՆՏ ՍԱՐԱՖՅԱՆ
Հ.Գ.- «Ուղիղ կապ» ձեւաչափով պարոն գնդապետի տված պատասխանները կարդացե՛ք«Իրավունք» թերթի չորեքշաբթի օրվա համարում:
https://iravunk.com/sim/?p=162612&l=am/
1
9893 դիտում
2
7968 դիտում
3
4880 դիտում
4
4139 դիտում
5
3561 դիտում
