ԷԴՈՒԱՐԴ ՇԱՐՄԱԶԱՆՈՎ. «ԱՐԱՄ ՄԱՆՈՒԿՅԱՆԸ ԹՈՂ ԻՐ ԿՈՂՔԻ ՆՍՏՈՂ ՊԱՏԳԱՄԱՎՈՐԻՆ ՀԱՄՈԶԻ «ՈՉ» ԱՍԵԼ»

ԷԴՈՒԱՐԴ ՇԱՐՄԱԶԱՆՈՎ. «ԱՐԱՄ ՄԱՆՈՒԿՅԱՆԸ ԹՈՂ ԻՐ ԿՈՂՔԻ ՆՍՏՈՂ ՊԱՏԳԱՄԱՎՈՐԻՆ  ՀԱՄՈԶԻ «ՈՉ» ԱՍԵԼ»

ԱԺ փոխնախագահ, ՀՀԿ  մամլո խոսնակ Էդուարդ Շարմազանովն  այսօր «Մեդիա» կենտրոնում  խոսեց սահմանադրական բարեփոխումների քարոզարշավի մասին: «Մեզ համար «Այո»-ի քարոզչությունը կյանքի և մահվան հարց չէ: Իշխանությունը անելու է ամեն ինչ, որպեսզի այս հանրաքվեն անցնի որակյալ»,- ասաց խորհրդարանի փոխնախագահը:

Խոսելով  Հայաստանի տնտեսական իրավիճակի մասին` փոխխոսնակն ասաց, որ  Հայաստանի տնտեսության վրա անդրադառնում են  թե՛ արտաքին մարտահրավերները, թե՛  կոռոուպցիան:  «Իրավունք»-ը ասուլիսի ավարտից հետո մի քանի հարց ուղղեց ԱԺ փոխնախագահին:

-Ընդդիմադիր ՀԱԿ խմբակցության  քարտուղար Արամ Մանուկյանը  «Ոչ»-ի ճակատի վերջին հանրահավաքին  հայտարարել էր, որ   իշխանության մեջ կան պաշտոնյաներ, որոնք  դեմ են  խորհրդարանական  կառավարման համակարգին: Կմանրամասնեք` ովքե՞ր են այդ  իշխանավորները:

-Արամ Մանուկյանին ասեք` թող այնպես անի, որ իր խմբակցությունը  դեմ քվեարկի սահմանադրական բարեփոխումներին  նոր  արի մեր խնդիրներով զբաղվի:

-Պարոն Շարմազանով, հստակեցնենք` ՀԱԿ խմբակցության քարտուղարի հայտարարությունը իրականությանը համապատասխանո՞ւմ է:

-Ես Արամ Մանուկյանին հորդորում եմ  իր  խմբակցության հարցերով զբաղվել, իր կողքին նստող   պատգամավոր Լյուդմիլա Սարգսյանին  համոզել «ոչ» ասել: Լյուդմիլա Սարգսյանը «այո»-ի կողմնակից է:

Շարունակությունը` «Իրավունք»-ի 02.12. 2015 թ-ի համարում:

ՍՈՆԱ ԴԱՎԹՅԱՆ