ԱՎԾ-Ի ՊԱՇՏՈՆՅԱՆԻ ԴՈԼԱՐՈՎ ՈՒ ԵՎՐՈՅՈՎ ԵԿԱՄՈՒՏՆԵՐԸ

ԱՎԾ-Ի ՊԱՇՏՈՆՅԱՆԻ ԴՈԼԱՐՈՎ ՈՒ ԵՎՐՈՅՈՎ ԵԿԱՄՈՒՏՆԵՐԸ

«Իրավունք»-ը բարձրաստիճան անձանց էթիկայի հանձնաժողովից տեղեկանում է, որ ՀՀ վիճակագրության  պետական խորհրդի անդամ Գագիկ Անանյանն իր դրամական միջոցները նախորդ տարի հայտարարագրել է  դոլարով, եվրոյով ու դրամով`900,000 դրամ, 28,300 դոլար ու 9,000 եվրո:  Գագիկ Անանյանը, սակայն, միայն աշխատավարձով չի ապրում: Եկամուտներ ստանում է նաեւ այլ աղբյուրներից, բայց թե կոնկրետ ինչ աղբյուրներից, պրն Անանյանը չի գրել: »Աշխատանքի վարձատրություն և/կամ դրան հավասարեցված այլ վճարումներից»`  այսպես է  ձեւակերպված Գագիկ Անանյանի հայտարարագրում:

Գագիկ Անանյանի կնոջ` Արմինե Գասպարյանի դրամական միջոցները միայն դրամով ու դոլարով են հայտարարագրված` 550,000 դրամ եւ 7,400 դոլար: Ընդ որում` տիկին Գասպարյանի դրամական միջոցները տարվա վերջում ավելացել են:

Գագիկ Անանյանի դուստրերից մեկը` Քրիստինա Անանյանը, հայտարարագրել է  1,725,000 դրամ:

ՍՈՆԱ ԴԱՎԹՅԱՆ