«Իրավունք» թերթի տպագիր համարներ

ՀՖՖ-Ի «ՀԵՂԱՓՈԽԱԿԱՆ» ՎԻՃԱԿԻ ՊԱՏՃԱՌՈ՞Վ Ռ.ՀԱՅՐԱՊԵՏՅԱՆԻ ՆՅԱՐԴԵՐԸ ՉԴԻՄԱՑԱՆ

Արխիվ 12-16
Կիսվել

ՀՖՖ-Ի «ՀԵՂԱՓՈԽԱԿԱՆ» ՎԻՃԱԿԻ ՊԱՏՃԱՌՈ՞Վ Ռ.ՀԱՅՐԱՊԵՏՅԱՆԻ ՆՅԱՐԴԵՐԸ ՉԴԻՄԱՑԱՆ

 

Եվրո-2016-ի ընտրական փուլի վերջին խաղից մոտ մեկ ամիս անց Հայաստանի ֆուտբոլի ֆեդերացիայի, ավելի կոնկրետ՝ ՀՖՖ նախագահ Ռուբեն Հայրապետյանի լռությունը վերջապես խախտվեց: Բայց ո՛չ մարզասերներին բացատրելու համար, թե ինչն էր հավաքականի այդքան վատ արդյունքների պատճառը, եւ ո՛չ էլ եղած խնդիրների լուծման տարբերակները քննարկելու: Պարզապես, Ռ.Հայրապետյանը հիշեցրեց, որ ՀՖՖ-ն ոչ մեկի առաջ հաշվետու չէ իր գործողությունների համար:

Բանը հասավ նրան, որ պարոն Հայրապետյանը, մի կողմ թողած հավաքականի գերանհաջող խաղն ու նույնիսկ՝ Ալբանիայի հետ վերջին հանդիպման հետ կապված սկանդալային մեղադրանքները, գերադասեց հարձակում սկսել հավաքականի երկրպագուների ակումբի՝ ՖԱՖ-ուղղությամբ, ինչ է թե, այն հրապարակային հայտարարությամբ` պահանջներ էր ներկայացրել ՀՖՖ-ին եւ դրանից զատ էլ՝ հանդգնել էր երթ կազմակերպել դեպի ՀՖՖ: Ուստիեւ. «ՖԱՖ կոչվող խմբակը լավ կլինի, որպեսզի գիտակցի, որ Հայաստանի հավաքականն ունի հարյուր հազարավոր հավատարիմ երկրպագուների բանակ... Նրանք իրենց չեն ծառայեցնում տարբեր շահերի, ոչ մաքուր հանձնարարություններ չեն կատարում, հավաքականն ու ֆուտբոլը չեն ծառայեցնում իրենց մանր ամբիցիաներին»:
Լավ, ընդունենք պարոն Հայրապետյանի ասածի պես այդ ՖԱՖ-ը շուոներ անող, տոմսերի առքուվաճառքով, տուրիզմով զբաղվող «խմբակ» է: Բայց դա նշանակում է, որ մեր հավաքականը այս խայտառակ վիճակում է հայտնվել այդ պատճառո՞վ. չէ, ՖԱՖ-ի անդամները տոմս ծախողներ են, թե` ինչ, մեկ է, նրանք հաստատ հավաքականի այս վիճչակի հարցում մեղք ունենալ չէին կարող: Ավելին. պարոն Հայրապետյանի ասած` «հարյուրհազարավոր հավատարիմ երկրպագուների բանակը» նույնպես դրանում մեղք չունի, էլ չասած, որ հավաքականի այս անհաջողություններից հետո այդ բանակի մի պատկառելի մասն արդեն հասցրել է վերջնականապես երես թեքել հայկական ֆուտբոլից: Եվ դրանից հետո՝ հավաքականի ֆանատներ համարվողների հասցեին հնչեցրած այս մեղադրանքներն էլ ավելի են ծանրացնելու մեր ներքին ֆուտբոլային մթնոլորտը:
Մի խոսքով՝ երկրպագուների թեման հավաքականի խաղամակարդակի հարցում միշտ էլ դեր ունեցել է եւ կունենա, սակայն միայն դրական առումով՝ որպես, այսպես ասած,12-րդ խաղացող, եւ ՀՖՖ-ն իրեն ենթարկեց այդ խաղացողից զրկվելու ռիսկին: Բայց Հայրապետյանի այս ծանր վրիպակով հանդերձ՝ էլի թիվ մեկ հարցը մնաց օրակարգում. ըստ ՀՖՖ-ի՝ ո՞րն է մեր հավաքականի այս ծանր վիճակի պատճառը, եւ ի՞նչ է պետք անել` դրանից դուրս գալու համար:
Ի դեպ, վերջերս անդրադառնալով հավաքականի այս վիճակին, առիթ ունեցել էինք կանխատեսել, որ Հայրապետյանը չցանկանալով հանդերձ, ստիպված է լինելու խոսել: Խոսեց՝ մեղադրելով երկրպագուներին, որը, ըստ մեր նույն աղբյուրների, պարզապես նյարդերը տեղի տալու նշան էր, հաշվի առնելով, որ ՀՖՖ-ի ներքին վիճակը եւ հավաքականի հետ կապված հեռանկարները պարզապես Ռ. Հայրապետյանին երբեմնի բացարձակ ինքնիշխանությունից զրկել են, իսկ ՀՖՖ-ում ավելի բաց ռեժիմի գաղափարի հետ հաշտվելը ՀՖՖ-ում կարող է եւ «հեղափոխական իրավիճակ» առաջ բերել: Միակ տարբերակը «ժամանակի վրա» խաղալն է, բայց ՖԱՖ-ն իր երթերով ու բողոքներով այդ տարբերակն էլ է վտանգում: Դրանից հետո էլ ո՞ւմ նյարդերը կդիմանան...
Այսպիսով՝ մնում է արձանագրել, որ ՀՖՖ-ում փակուղային վիճակ է ստեղծվել: Բայց վատն այն է, որ հենց այն պահին, երբ պետք է սկսել հավաքականի ապագայի հետ կապված ռեալ քայլեր իրականացնել՝ սկսած գլխավոր մարզչից, վերջացրած կազմով: Հակառակ դեպքում, անկախ նրանից, թե ով է ճիշտ կամ մեղավոր, էլի տուժելու է հայկական ֆուտբոլը՝ Ռ.Հայրապետյանի հիշատակած հարյուրհազարավոր երկրպագուներով հանդերձ:

ՔՐԻՍՏԻՆԵ ՊԵՏՐՈՍՅԱՆ

https://iravunk.com/sim/?p=162213&l=am/
Կիսվել
Լրահոս
Սպասում եմ Հայկ Բաբուխանյանին Գյումրիում․ Վարդան Ղուկասյանը արձագանքում է Ռ. Միրոշնիկը այցելեց «Իրավունք Մեդիա» հոլդինգ ՈՒՂԻՂ. Հայաստանի ազատագրումը սկսենք Գյումրիից.Հայկ Բաբուխանյան 15 հազար դրամ տուգանքը կամայական եւ քմահաճ որոշում է. Աշոտ Նուրիջանյան Ինչ ճակատագիր կունենա «Եվրաքվեն» (տեսանյութ) Այլ երկրում Հայ առաքելական եկեղեցու համար ստեղծում են պայմաններ, իսկ մեր երկրում հետապնդում են Ոչ մեկի մտքով չի անցնում հարձակվել Բելառուսի վրա, որովհետև նա ՌԴ ի հետ միութենական պետության մեջ է ՑԱՎԱԿՑԱԿԱՆ «ՈՒԺԵՂ ՀԱՅԱՍՏԱՆԸ ՌՈՒՍԱՍՏԱՆԻ ՀԵՏ. ՀԱՆՈՒՆ ՆՈՐ ՄԻՈՒԹՅԱՆ» ՇԱՐԺՈՒՄԸ ԴԱՏԱՊԱՐՏՈՒՄ Է ՆԻԿՈԼԻ ԿԱՌԱՎԱՐՈՒԹՅԱՆ ՈՐՈՇՈՒՄԸ Պահանջում ենք դատական կարգով առ ոչինչ հայտարարել Նիկոլ Փաշինյանի հայտարարությունները, որտեղ Արցախը նշվում է Ադրբեջանի կազմում Հայ-չինական հարաբերությունները ունեն զարգացման մեծ ներուժ Նիկոլ Փաշինյանի թրաշվելը ազդարարեց Հայաստանի կործանման վերջին փուլը. ՀԱՅԿ ԲԱԲՈՒԽԱՆՅԱՆ Վլադիմիր Պուտինը Հայկ Բաբուխանյանին պարգեւատրել է Կայացավ երրորդ ուժի ձևավորմանը նվիրված համաժողովը ՈՒՂԻՂ․ Ով է իր մուռը հանում Անկախության հռչակագրից․ Հայկ Բաբուխանյան ՍԻՄ կուսակցությունը ցավակցում է Արտաշես Գեղամյանի մահվան կապակցությամբ ՈՒՂԻՂ․ Թեժ աշուն սորոսականների հե՞տ Իրականում Եվրամիություն գնալը ճանապարհ է դեպի Թուրքիա. Հայկ Բաբուխանյան «Դուք որպես ժայռաբեկոր կանգնած եք այդ ճանապարհին, որպեսզի թույլ չտաք սրիկային, սատանայական ուժերին քանդել այն» Խստիվ դատապարտում ենք ապօրինի վարչախմբի վարքագիծը Սվինների վրա հիմնված ոստիկանապետությունը շուտով փլվելու է ՍԻՄ կուսակցության հայտարարությունը երկրում ստեղծված իրավիճակի վերաբերյալ ՍԻՄ նախագահը ընդունեց ՀՀ-ում Բելառուսի դեսպանատան խորհրդականին Հայկ Բաբուխանյան «ֆեմինիզմը, դա քայքայիչ աղանդ է...» Ուր կհասնի հրաժարականների շարքը․ Հաֵյկ Բաբուխանյան
Բոլոր լուրերը »
Տեսանյութեր
Զատիկին ընդառաջ մեզ տանում են դեպի սատանիզմ. Հայկ Բաբուխանյան
Հայ-ռուսական հարաբերությունների անառողջ մթնոլորտը պետք է հաղթահարել 2 փուլով. Հայկ Բաբուխանյան (Euromedia24)
ՈՒՂԻՂ. Հայաստանի ազատագրումը սկսենք Գյումրիից.Հայկ Բաբուխանյան
Ինչ ճակատագիր կունենա «Եվրաքվեն»
Ալիևը սայթաքեց, պետք է ազատվել Նիկոլից և վերադարձնել Արցախը. Հայկ Բաբուխանյան
Ամենադիտված
1 10131 դիտում Ուշադրություն․ Aliexpress-ը այլևս չի ընդունում հայկական քարտեր. Արսեն Լեւոնյան 2 4922 դիտում Սիրավեպից ու բաժանումից տարիներ անց Միքայել Պողոսյանը Աննա Հարությունյանին բեմում մրցանակ հանձնեց ու համբուրեց 3 4354 դիտում «Քաղցր թույն»՝ դպրոցում. ինչո՞ւ են խուզարկել թիվ 19 դպրոցի աշակերտներին 4 3789 դիտում Թրամփը երկու անգամ խնդրել է Պուտինին` Զելենսկու սադրանքներից հետո «Օրեշնիկ» չօգտագործել 5 2086 դիտում Ինձագին` «Բավարիայի» դեմ պատասխան հանդիպման և ՉԼ-ի կիսաեզրափակիչ դուրս գալու մասին
Ազդակ ակումբի հյուրերը