ԲՀԿ-ՈՒՄ «ԽԱ՞ՌՆ» ԵՆ. ԳԱԳԻԿ ԾԱՌՈՒԿՅԱՆԸ ԵՏ Է ՎԵՐԱԴԱՌՆՈ՞ՒՄ

ԲՀԿ-ՈՒՄ «ԽԱ՞ՌՆ» ԵՆ. ԳԱԳԻԿ ԾԱՌՈՒԿՅԱՆԸ ԵՏ Է

ՎԵՐԱԴԱՌՆՈ՞ՒՄ

«Իրավունք»-ին` նախկին ԲՀԿ-ական աղբյուրներից հասած տեղեկությունների համաձայն`  ԲՀԿ-ում այս օրերին «խառնվել» են իրար: Պատճառը ԲՀԿ նախկին առաջնորդ Գագիկ Ծառուկյանի հավանական ետ վերադարձն է: Կուսակցությունն ու խմբակցության անդամերը, ըստ այդ աղբյուրի շիվարած են փետրվարյան դեպքերից հետո ինչպես են ընդունելու ու աշխատելու Ծառուկյանի հետ: Պատահական չէ, որ կուսակցության գործարար թեւը, ով Ծառուկյանի «զադնի» դնելուց հետո դուրս եկավ ԲՀԿ-ից, հիմա նորից մտմտում է ետ վերադառնալ «անառակ որդու» նման: Առավելեւս, որ ինչպես  տեղեկացնում են մեր աղբյուրները, ԲՀԿ-ական գործարարներից շատերի վրա Ծառուկյանն «ամակ» ունի:

«Դուք պատկերացնո՞ւմ եք` ինչ ա նշանակում լինել իշխանություն: Հո մենակ պաշտոն զբաղեցնելով  իշխանություն չես դառնում»,- ասում են այդ նույն աղբյուրները Ծառուկյանի ԲՀԿ ռաջնորդ լինելու մասին:

Ծառուկյանի ետ վերադարձն ամենից շատ, նույն աղբյուրի պնդմամբ, կարծես մտահոգել է ԲՀԿ ներկայիս առաջնորդ Նաիրա Զոհրաբյանին, ում գլխին, ըստ լուրերի, սեւ ամպեր են հավաքվում: Ավելին` ըստ տեղեկությունների, ԲՀԿ նախկին առաջնորդը «չի ներում» տիկին Զոհրաբյանին իր «աթոռը» զբաղեցնելու համար:

Ասվում է նաեւ, որ տիկին Զոհրաբյանը դրսում վատ չի աշխատում. «Եթե կարողանում ես նրա իզը բռնել, ամեն ինչ  լավա»: Ըստ այդմ` չի բացառվում, որ տիկին Զոհրաբյանը, գուցե Ծառուկյանի վերադարձից հետո նախընտրի հրապարակային քաղաքականությունից դուրս գալ եւ տեղափոխվել  դիվանագիտական աշխատանքի, կրկին ըստ նույն աղբյուրի համաձայն:

Ի դեպ, այսօր ԱԺ-ում արտահերթ նիստի ավարտից հետո ԲՀԿ-ն ժողով է գումարել, հավանաբար, քննարկելու նաեւ Ծառուկյանի  հավանական ետ վերադարձը:

ՍՈՆԱ ԴԱՎԹՅԱՆ